Во младоста коскената маса се зајакнува и расте, но тоа со годините се менува и густината на коските исчезнува побрзо отколку што се обновува. Поради ова, ризикуваме кршливи коски во староста, но не се само годините единствениот ризик фактор. Полот, расата, семејната историја и висината исто така играат улога.
Добра вест е дека пропаѓањето на коските делумно до некоја мера може да се спречи, а тоа првенствено можете да го направите со правилна исхрана. Докторката Британи Дан открива што треба да пиеме за коските да бидат здрави и силни.
Млеко збогатено со витамини или млечни алтернативи
Д-р Дан вели дека млекото е одличен избор за здравјето на коските. “Млекото со додадени витамини и минерали содржи витамин Д, калциум и протеини неопходни за здравјето на коските“, вели таа.
Се работи за млеко збогатено со витамини и минерали кои вообичаено не можат да се најдат природно во млекото, а млекото од соја, овесното, оризовото, кокосовото и бадемовото млеко ќе бидат подеднакво корисни.
Додадете млечни производи во смуди
Доколку не сакате да пиете млеко, истиот ефект ќе го има и додавањето млеко или јогурт во вашето смуди. Млечните протеини се клучни за здравјето на коските.
Јадете зелен лиснат зеленчук
Ако никако не можете да се натерате да пиете млеко или негови алтернативи, можете да добиете калциум и со консумирање зелен лиснат зеленчук. Овде се издвојува спанаќот, кој може да се додаде и во смуди, како и кељ.
Сок од слива и друго овошје
Како што објаснува д-р Дан, овошјето го балансира дигестивниот систем и го одржува нивото на калциум. Овошје кое е особено корисно за здравјето на коските се сливите. Според истражувањата, шест до 12 сливи дневно ги намалуваат воспалителните процеси и придонесуваат за здравјето на коските. Сокот од портокал е и добар извор на калциум, со кој ќе внесете и доволно витамин Ц.
