Иако постојано сме опкружени со многу продавници, ресторани, сендвичарници и храната е на чекор оддалеченост од нашите телефони и лаптопи, ние често немаме време да јадеме.
Чувството на глад и празен желудник е непријатно и понекогаш пречи на нормалното секојдневие и сонот.
За да се чувствувате добро кога сте гладни, има неколку работи кои треба да ги избегнувате, советува тим од лекари при Институтот за исхрана и здрав живот од Москва.
Пиење чај и кафе. Секое второ лице утрото го почнува со консумирање на еден од овие напитоци на празен желудник. Пиењето кафе на гладно ги зголемува киселините, кое доведува до растројство на стомакот и дискомфорт во текот на целиот ден. Консумирањето чај на гладно може да ја потисне секрецијата на желудочниот сок.
Пиење апчиња. Иако, некои лекарства се пијат на гладно, за повеќето од нив тоа е контрапродуктивно. Пиењето лекови на гладно може да доведе до чувство на гадење и појава на чир на желудникот.
Консумирање алкохол. Алкохолот брзо се шири во крвта и предизвикува ширење на крвните садови. Тоа доведува до намалување на пулсот и крвниот притисок.
Патување. Патувањето со гладен желусник може да доведе до појава на мачнини и слабост на телото. Но тоа никако не значи пред патување да се прејадете. Консумирајте лесна храна, а избегнувајте газирани напитоци, брокула, карфиол и зелка.
