Пчелите за светот се неопходни и мошне потребни. Топлото време значи дека ги има на секој чекор, а баш како и осите потенцијално можат да бидат и опасни, особено ако имате алергија на нивниот убод.
Зошто касаат пчелите и осите?
Пчелите немаат намера да нападнат, но ја бранат својата кошница и себе, па во тој случај може да ги сметаме за мала закана. Некои од нив умираат веднаш по убодот, при кој често го оставаат своето ’осило’ за разлика од осите кои не го прават тоа и можат да убодат и по неколку пати.
Што треба да се стори ако ве касне пчела или оса?
Ако ве боцне пчела, не треба да барате со што ќе го извадите осилото. Доволно е да притиснете покрај убодот, па осилото само ќе излезе и ќе се минимизира количеството на пчелиниот отров кој влегол во телото. Добар избор е и нож за мачкање кој не може да ве исече. Не користете пинцета или не вадете го осилото со прст, така може да го притиснете и да се ослободи уште повеќе отров во телото. Освен тоа ќе го раширите местото на убодот и потешко ќе зарасне. Потоа на местото ставете ладна облога или држете го под ладна вода за да се ублажи отокот. После тоа ако не сте алергични, на местото намачкајте се со етерично масло од лаванда, еукалиптус или чаево дрво.
Доколку знаете или се сомневате дека сте алергични на пчели или оси
Ако се јави отежнато дишење, потешкотии со голтањето, вртоглавица и несвестица, тоа може да се први знаци на анафилактичен шок. Таквата реакција може да го загрози животот ако не се забележи и не се реагира навреме.
Како да се спречи убод од пчела и оса?
Гаранција не постои, но одбегнувајте потемна облека и парфеми кога одите во природа, ако јадете на отворено, што побрзо тргнете ги остатоците од храна, затоа што овие инсекти баш на тоа одат. Најдобра одбрана е да останете мирни ако пчелата лета во ваша близина затоа што во спротивно ќе се вознемири и ќе почне да се брани.
