За жал, такво сценарио често се случува во многу домаќинства и тоа најчесто со зеленчук чиј рок на траење е краток. За да ви помогнеме максимално да го искористите, еве што треба да знаете за неговото чување.
Избегнувајте да чувате овошје и зеленчук на исто место
Многу плодови испуштаат гас – етилен кој го забрзува процесот на расипување. Некои од најголемите произведувачи на гасот се кајсиите, авокадото, јаболките, бананите и доматите.
Не го мијте веднаш зеленчукот
Влагата го забрзува процесот на дозревање, па избегнувајте миење на зеленчукот, до пред самата подготовка. Ако немате избор, измијте го и складирајте го во затворен сад со хартиени крпи.
Ако е исечкан, веднаш во фрижидер!
Сите производи кои претходно се исечени или излупени треба да бидат чувани во фрижидер.
Да, зеленчукот може да се чува во замрзнувач
Иако замрзнатиот зеленчук со фатен мраз на него понекогаш не изгледа привлечно, може без проблем да се чува и тука.
