Ишијадикус е најдолгиот нерв во телото кој се протега од долниот дел на ‘рбетот се до нозете, преку задникот и колковите. Ишијасот може да предизвика многу непријатна болка. Добра вест е дека таа болка речиси секогаш е минлива и не трае подолго од два месеца.
Ишијас се нарекува и болката која настанува при притисок на нервот nervus ischiadicus. Со притисок на нервот се појавуваат симптоми како што се вкочанетост, трнење и слабост. Ишијасот обично зафаќа само една страна од телото. Болките може постапно да се засилуваат. А изразени се при кивање или кашлање. Долгото седење и престој во некоја положба може само дополнително да ја влошат ситуацијата и да го отежнат опоравувањето.
СИМПТОМИ
Главен симптом на ишијасот е болка која се протега од долниот дел на грбот до задникот, низ потколеницата во стапалото. Непријатното чувство може да се јави било каде, односно таму каде нервот минува. Чувството на болка може да варира од блага па до многу силна, можно е да се почувствува жарење или нагол “удар на струја“, трнки и непријатно скокоткање.
Кашлањето и кивањето може да ја влошат ситуацијата. Недоволниот осет и слабост на мускулите исто така може да бидат симптом на ишијасот. Ишијасот во ногата обично ја зафаќа само едната страна на телото.
Ова се накратко симптомите по кои може да препознаете дали станува збор за ишијас.
- Многу силна и остра болка во долниот дел на грбот која се шири кон ногата преку глутеалната регија, понекогаш се до прстите
- Болка која може да се засилува при седење
- Болка која константно трае и може да го отежне извршувањето на секојдневните обврски
- Отежнета и ограничена функција на стапалото и неможност за целосно потпирање на ногата
- Болката може да биде повремена, умерена, иритирачка, константна и парализирачка
