Кога се зборува нуспојавите или несаканите реакции од вакцините против болеста КОВИД-19, трудниците може да имаат многу помалку проблеми од жените кои не се бремени, стои во резултатите од најновата студија. Резултатите се објавени вчера во магазинот JAMA и се совпаѓаат со досегашните препораки дека вакцината е безбедна и дека добро се поднесува во бременоста. Центарот за превенција и контрола на болести на САД исто така советува сите бремени жени да се вакцинираат.
Во резултатите од истражувањето се наведува дека учествувале 17.000 вакцинирани лица, од кои 7700 биле трудници и 6775 доилки, а останатите биле жени кои ниту се бремени, ниту дојат. Научниците сакале да дознаат како која група ќе реагира на вакцината против коронавирусот и кои несакани реакции ќе се јават, ако воопшто ги има.
Околу 90 проценти од испитаниците по вакцинирањето почувствувале болка во раката, но останати нуспојави поретко се јавувале кај трудниците. Така, околу 45 испитаници пријавиле покачена телесна температура по првата доза, но процентот се намалил на 30 кога се следеле само бремените жени.
Некои трудници биле загрижени поради покачената температурата што може да се јави, а ако е висока, може да биде и опасна во првото тромесечје, а лекарите советуваат да во тој случај се земе таблета и додаваат дека температурата почестосе јавува кај самата болест.
Бремените жени во оваа студија и помалку чувствувале замор, болка во мускулите, главоболка и треска, по вакцинирањето. Жените кои доеле исто така пријавиле помалку несакани реакции од остатокот на контролната група, но сепак во поголем процент од трудниците.
ПОДАТОЦИТЕ СЕ ОХРАБРУВАЧКИ
Не е се уште јасно дали бременоста обезбедува и одредена заштита од несакани реакции, а можно е и да бремените жени не ги забележуваат послабите нуспијави додека се “борат“ со останатие симптоми на бременоста, какоутринските мачнини. Можеби се работи за случајност, бидејќи други студии покажале и не така голема разлика во симптомите кај трудниците и жените кои не се бремени. Но, сепак се чини дека трудниците не се во ризична група за појава на силни симптоми по примањето вакцина, појаснува авторката на студијата д-р Алиса Качикис.
И на самиот почеток на користење на вакцините против КОВИД-19, клиничарите советуваат трудниците да се вакцинираат, но немаа доволно сериозни податоци од истражувања за да ги поткрепат. Од тогаш секако се спроведени многу анализи и се повеќе од нив, одат во прилог на вакцинирање во бременоста.
Податоци од три студии не откриле дека постои загриженост околу безбедноста при вакцинриање на бремените жени. Американскиот Центар неодамна откри нова анализа на податоци која покажува дека зголемен ризик од спонтан абортус кај релиси 2500 трудници кои примиле Фајзер или Модерна вакцина, пред 20. недела од бременоста. Околу 13% од учесниците доживеале спонтан абортус, што е во склад со стапката кај општата популација.
