Полесно е да се зарази со ВА.5 подваријантата отколку со останатите варијанти на КОВИД, делумно поради тоа што го избегнува одговорот на имуниот систе во споредба со другите варијанти со кои светот досега се соочи. Тоа значи дека е полесно со оваа подваријанта да се заразите повеќе пати, само неколку недели или месеци по првичното прележување.
Д-р Клер Тејлор, општ лекар од Велика Британија вели дека неодамна целото нејзино семејство двапати било заразено со коронавирус во период од само 12 недели. Тејлор се сомнева дека подваријантата BA.5 е одговорна за втората инфекција.
“Дури и јас бев изненадена кога повторно се заразивме толку брзо“, објаснува таа и додава дека по втората инфекција нејзиниот деветгодишен син се жалел на болка и вкочанетост во вратот, како и дека имал температура од 39 степени. “Моја прва мисла беше дека тоа е менингитис“, вели д-р Тејлор.
Но, иако е вистина – генерално – дека ВА.5 се повеќе и повеќе се разликува од оној омикрон кои што научивме да го препознаваме преку зимата, тоа се уште не е целосно поинаков вирус и не е како менингитисот.
Многу симптоми на инфекција со коронавирус се уште се слични на оние од почетокот на годината. Експертите за заразни болести и долг КОВИД велат дека симптомите што доаѓаат со ВА.5 подваријантата на омикрон не се типично споредливи со менингитис.
За разлика од КОВИД, менингитисот вклучува многу повисоки температури, чувствителност на светлина и вкочанетост на вратот.
Менингитис е отекување на мембраните околу мозокот и ‘рбетниот мозок, што го предизвикуваат сериозни бактериски или вирусни инфекции.
Д-р Џулијан Брнс, специјалист педијатар за заразни болести од Сан Франциско, вели дека симптомите BA.5 подваријантата што досега ги видела кај пациентите, се слични на оние кои се појавувале кај другите подваријанти на омикрон. Ниту таа, ниту нејзините колеги не забележале зголемување на бројот на пациенти заболени од КОВИД кои се пожалиле на вкочанетост во вратот.
“Болка во грлото, исцрпеност, течење на носот, кашлица и главоболки се најчестите симптоми на КОВИД што сум ги забележала кај пациентите во текот на летото. Можете да добиете мијалгија, односно болка во мускулите, но тоа не е толку поврзано со пределот на вратот, туку со целото тело“, вели д-р Брнс.
Ниту кај децаѕа заболени од КОВИД таа не забележала симптоми на менингитис. Еден симптом се издвојува како карактеристичен за подваријантата BA.5 кај децата, а тоа се гастроинтестинални пречки, од кои тие страдаат повеќе отколку возрасните заразени со коронавирус.
“Пролив, повраќање, болка во стомакот, губење на апетитот – се тоа може да бидат симптоми на КОВИД кај децата“, наведува д-р Брнс.
Исцрпеноста од менингитис е многу различна од когнитивните дисфункции предизвикани со КОВИД, објаснуваат лекарите.
Д-р Брус Питерсон, кој третира заболени од долг КОВИД се сложува со ваквиот став.
“За мене, главен симптом на менингитис е многу висока температура“, вели тој и додава дека заболените од менингитис почесто се целосно исцрпени и изнемоштени, додека заболените од КОВИД повеќе страдаат од когнитивна дисфункција.
Д-р Брнс додава дека децата заболени од менингитис “само сакаат да лежат во кревет и не можат да се движат“ и се многу нервозни. Тие можат да бидат чувствителни на светлина, како и да имаат многу висока температура што е тешко да се спушти – 38 или повеќе степени неколку дена по ред.
