Со појавата на новиот омикрон сој на коронавирусот, расте и бројот на лица кои по ревакцинирањето, се одлучија како дополнителна заштита да примат и трета “бустер“ доза вакцина. Стручњаците велат дека оваа доза би можела да стане потребна секоја година. Центарот за контрола и превенција на болести (ЦДЦ) советува лицата постари од 18 години кои се вакцинирани, да примат и бустер доза.
Овој совет е прифатен оваа недела со појавата на новата варијанта омикрон.
Ако сте примиле векторска вакцина, препораката е дека треба да почекате само два месеци за да примите бустер доза, а доколку сте примиле некоја мРНА вакцина, тогаш по примање на втората доза, за трета или бустер доза ќе треба да почекате шест месеци, вели д-р Вилијам Шафнер, стручњак за инфективни болести на Универзитетот Вандербилт.
“Главна карактеристика секако е што ќе го зајакнат капацитетот на имуниот систем да се бори против сериозни болести и за да се спречи хоспитализација. Тоа е главната намера. Може да дојде до намалување на преносот на болеста, помалку сериозни симптоми, па во тој случај се работи за ‘бонус’“; додава тој.
ЦДЦ наведува дека сами можеме да избереме со која вакцина ќе се вакцинираме, а д-р Шафнер смета дека оние кои примиле векторска вакцина, како бустер подобро е да примат мРНА вакцина.
КАКО БУСТЕР ВАКЦИНАТА ГО ЗАЈАКНУВА ИМУНИЕТОТ?
Бустер вакцината всушност го зајакнува имунитетот што е стекнат при примање на првите вакцини, а откако сте ја примиле. Клетките тоа го помнат и кога се изложени на антигенот, тие ќе создадат уште антитела и уште клетки. И тоа резултира со дополнителна заштита.
“Кај лицата над 65 години, имунитетот слабее по 6 месеци, па затоа доаѓа до зголемен број на хоспитализации. Сепак, знаеме дека имунитетот помни, а дека со дополнителната доза му даваме уште посилен одговор на вирусот“, додава д-р Шафнер.
ДАЛИ ЌЕ ТРЕБА ДА ПРИМАМЕ БУСТЕР ДОЗА СЕКОЈА ГОДИНА?
И д-р Шафнер, но и други експерти сметаат дека е многу рано за да се одговори на ова прашање, но веројатно е дека ќе мора да се примаат вакцини и иво наредните години.
“Како се одвиваат работите, така ние учиме. Никој од нас не бил изненаден ако дојде до тоа да е потребна бустер доза во некој временски период. Дали ќе се работи за 3 или 5 години, не знаеме“, вели д-р Шафнер. Тој смета дека вакцината е потребна, а дека научниците веќе почнале да работат на вакцина која би била комбинација на вакцина против КОВИД-19 и против грип.
Ако дојде до препорака дека е потребна годишна вакцинација, тие веќе во тоа време ќе имаат подготвена таква комбинација, додава тој.
И проф. Блумберг смета дека идејата за бустер вакцини што се даваат на годишно ниво е нешто што може да се случи. Тој лично смета дека КОВИД-19 ќе остане меѓу нас долго време и нема да уништиме ако не дојде до голем исчекор во создавањетп вакцини. Но, мисли дека ќе делува слично како и грипот.
“Можеби ќе дојде до тоа да примаме секоја година вакцина исто како и против грипот“, заклучува Блумберг.
