Како новиот коронавирус и натаму се шири низ светот, шансите да познавате барем една личност која била болна од КОВИД-19 се големи. Прашањето е кога е безбедно да се биде во нивна близина?
Како потсетување: Вирусот меѓу луѓето се шири по капков пат, а тоа значи преку кивање, кашлање, па и пеење и гласно зборување. Лицето кое се заразило најверојатно во период од 11 дена ќе развие симптоми, а зависно од тежината на болеста, потребни се неколку недели за да се опорави. Кај најтешките случаи забележано е опоравување во траење и до шест недели.
Според Американскиот центар за контрола и превенција на болести, да се знае кога е безбедно да се биде во близина на лице кое се опоравило од болеста, зависи од многу симптоми, особено од нивниот недостаток.
Според експертите, критериуми за завршување на изолацијата се:
- Поминале најмалку 14 дена од првиот ден на болеста
- Најмалку три дена по ред, пациентот е афибрилен (нема зголемена телесна температура) без употреба на антипиретици
- Има значајно подобрување на респираторните и останатите симптоми на КОВИД-19
Важно е да се запомни дека кај лицата кои се опоравиле, можат да се задржат одредени симптоми како замор или главоболка, наведува д-р Вилијам Шафнер, инфектолог и професор на Универзитетот Вандербилт во САД и додава дека тоа не значи дека можат да ве заразат. На некои луѓе им е потребно повеќе време да целосно да се опорават.
Ако лицето било позитивно, а немали симптоми, тоа може по 10 дена повторно да излезе меѓу луѓе. Но, кој има послаб имун систем, треба да остане дома и подолго од 10 дена.
Без разлика дали постоеле или не постоеле симптоми, лицата кои ја преболеле болеста КОВИД-19, можат повторно да се тестираат за да видат дали се уште се носители на вирусот, ако тоа е можно да се направи. Доколку два теста се негативни, а направени се во растојание од 24 часа, слободно, тоа лице може да се дружи со пријателите.
Оние кои биле во близок контакт со лице кое било заразено, треба да останат дома 14 дена, советуваат стручњаците, оти отприлика тоа е периодот во кој би требало да се појават симптомите.
Запомнете дека е потребно да се носи и маска кога и да можете, како и да се дистанцирате во ситуации кога сте опкружени со луѓе. Стручњаците предупредуваат дека фактот дека едно лице се опоравило од болеста, не му дава за право да ги игнорира препораките на епидемиолозите.
