Центарот за контрола и превенција на болести – ЦДЦ и тогаш предупредуваше на несаканите реакции кои се нијанса поинтензивни по примање на втората доза вакцина. Таквите нуспојави се нормален сигнал дека телото реагира на заштитата. Ако филмот го вратиме 8 месеци нанапред, разговорот за истата тема е повторно актуелен: трета доза мРНА вакцина против болест КОВИД-19 е во најава, а лицата на кои им е загрозен имунитетот се чини дека први ќе ја примат таа доза.
Министерот за здравство Венко Филипче пред две недели на оваа тема изјави:
“Сите испитувања одат во насока дека ќе биде потребна и трета доза на вакцина против КОВИД-19. Имавме состанок со претставници на „Фајзер“, на кој разговаравме за плановите за следната година и за нивните сознанија во однос на клиничките испитувања. Се чека официјализирање на наодите па потоа ќе се донесе одлука за трета доза на вакцина“.
Таа трета доза повторно буди загриженост кај луѓето: Дали ќе донесе несакани реакции и дали тие ќе бидат потешки или полесни од оние веќе доживеани со претходните дози?
Еве што мора да знаете за симптомите кои можеби ќе ги почувствувате и искусите по третата доза.
Во повеќето земји каде е воведена вакцинација од трета доза, засега се вакцинираат имунокомпромитирани лица или оние со нарушен и слаб имунитет. Извештаите од искуствата на Израел со третата доза, каде истата ја примиле над два милиони луѓе, особено лица над 60 години, покажуваат дека по третата доза од вакцината, имунитетот значително се зголемува, а ризикот од заболување е 11 пати помал. Третата доза вакцина може да се прими од четвртата недела до девет месеци по втората доза.
КОИ НУСПОЈАВИ МОЖЕ ДА СЕ ОЧЕКУВААТ ПО ТРЕТАТА ДОЗА ВАКЦИНА ПРОТИВ КОВИД-19?
Без оглед дали примате трета доза вакцина поради ослабен имунитет или само како дополнителна вакцина на веќе примените, веројатно може да очекувате слични несакани реакции, а можеби и помали, во однос на оние кои сте ги имале по првата или по втората доза вакцина, појаснува д-р Вилијам Шафнер, специјалист за инфективни болести на Универзитетот Вандербилт.
“Нема индикации дека се очекуваат потешки несакани ефекти од оние што имавме можност да ги искусиме претходно, што е јасно дека тие не би требало да бидат потешки“, додава тој.
Д-р Амеш Адаља од Центарот Џон Хопкинс се согласува и додава дека нуспојавите веројатно ќе бидат слични со оние кои се веќе познати кај повеќето луѓе. Доколку не се искусиле нешто по втората доза, имајте предвид, дека и третата доза веројатно нема да биде ништо полоша. Можеби ќе имате и поблага реакција бидејќи е поминато подолго време помеѓу втората и третата доза. Но, имуниот систем би можели да биде малку “изморен“.
ЦДЦ наведува дека реакциите пријавени по третата доза на мРНА вакцината се многу слични со оние по првата или втората, а најчестиот симптом, додаваат нивните експерти, може да бидат замор и болка на местото на инјектирање. Компанијата Фајзер нуди малку повеќе информации на својата веб -страница за споменатата трета доза. Апликацијата што ја нудат вели дека несаканите ефекти по оваа вакцина се многу слични со оние по втората доза и вклучуваат:
- Црвенило и оток околу местото на инјектирање
- Замор
- Главоболка
- Болки во мускулите и зглобовите
- Треперење
КАКО МОЖЕТЕ ДА ПЛАНИРАТЕ ТРЕТА ДОЗА?
Има многу стручни совети за тоа како да се „одморите“ по втората доза вакцина против КОВИД-19, а лекарите се согласуваат дека ова не е толку лоша идеја ниту кога станува збор за третата вакцина, заради безбедност.
“Важно е да си дадете време по вакцината, не планирајте ништо големо следниот ден откако ќе ја примите дозата“, советува д -р Шафнер.
Д-р Адаља наведува дека може да очекувате слична реакција како после втората доза вакцина и какво и да било тоа искуство, користете го како образец за дополнителната вакцина за да се организирате паметно.
