Парите постојано одат од раце во раце поради што на нив се собираат многу бактерии. И иако повеќето од нив се безопасни, по фаќањето пари, рацете треба убаво да се измијат.
Бактериите на банкнотите и монетите слични се на оние на рачките на вратите во јавните тоалети или држачите во јавниот превоз. Но, лекарите велат дека само мала количина од нив се лепи на прстите.
Бактериите кои влегуваат во организмот низ пукантините на кожата или со голтање, можат, не пример, да предизвикаат инфекции кај лица со ослабен имунитет. Посебно внимание е потребно при ракувањето со храна. Ако допрете банкнота полна со бактерии и потоа мелено месо, бактериите во месото може да се размножат.
Затоа е важно рацете да се мијат 30 секунди пред да се допре храна и по тоа. Спротивно на верувањето, бакарот на монетите нема антибактериски ефект. Тој може да спречи размножување на некои бактерии, но не може и да ги уништи.
