Според кажувањата на експертите, проценката е дека делта варијантата е околу 40% поинфективна од алфа варијантата, а со оглед дека алфа варијантата е околу 50% поинфективна од изворната варијанта, значи дека делта е двојно поинфективна од т.н. вухански тип на коронавирусот.
Последните и најнови податоци покажуваат дека омикрон е два пати поинфективен од делта, што е причина за дополнителна загриженост.
ШТО Е ПРИЧИНАТА?
Еден од факторите зошто денес се забележува поголем број на заразени со омикрон варијаната е токму фактот што се работи за многу заразен сој, кој што побрзо ќе ги зарази луѓето, иако симптомите на болеста не мора да бидат силни. Ако на тоа се додадат и празниците кога голем број лица патуваа, лесно е да се сфати што всушност се случува.
Луѓето погрешно мислат дека вакцината целосно ќе ги заштити од вируси и инфекции, но вакцините се направени за да се превенира сериозна болест и тешки симптоми, појаснува д-р Луис Мански, научничка која се занимава со истражување на вирусот при Универзитетот Минесота. Вакцините сепак добро да “извршуваат“ својата работа, особено кај оние кои примиле и бустер доза.
Се чини дека омикрон варијаната се реплицира побрзо од претходните варијанти, а ако заразеното лице во себе носи големи количини од вирусот, поголеми се шансите дека ќе зарази и друго лице, особено ако тоа не е вакцинирано. Вакцинираните поединци почесто ќе имаат благи симптоми, ако воопшто се појават, бидејќи вакцината делува така што активира бројни одбрани на имуниот систем што го отежнува продорот на омикрон во организмот.
Сите совети за заштита од вирусот не се променети, лекарите и понатаму апелираат да носиме маски и да избегнуваме големи собирања во затворен простор. Иако вакцината нема секогаш да ве заштити од вирусот, сигурно ќе помогне да не завршите во болница со тешки симптоми.
