Ни се чини дека сите информации ни се на располагање, но толку многу работи за новиот коронавирус не знаеме. Она кое е сигурно е дека вирусот и натаму засилено се шири. Бројките се пред нас, но директорот на Центарот за контрола и превенција на болести, Роберт Редфилд смета дека вистинската бројка е повисока за осум проценти.
НАЈВАЖНАТА РАБОТА Е ДА СЕ РАЗБЕРЕ КАКО ОВОЈ ВИРУС СЕ ШИРИ
Како грипот, тој се шири со кивање и со кашлање, но некои стручњаците стравуваат дека може да се заразиме и со зборување или со пеење, па дури и со забрзано дишење.
Сите истражувања се нови, учиме како да летаме со авион и истовремено да го градиме, наведува Тереза Амато, шеф на ургентниот центар во болницата во Лонг Ајланд.
ШТО ПРЕТСТАВУВА ЗАКАНА?
Знаеме за кашлањето и кивањето, но може ли зборувањето да ги распрсне честичките на вирусот низ воздухот? Можно е, но како и многу други работи нема докази, но сепак постои едно истражување кое укажува на фактот дека колку погласно лицето зборува, повеќе честички се распрснуваат во воздухот. Најлошата информација е дека тие во воздухот може да останат од 4 до 14 минути. Студиите исто така докажуваат дека маската и во овој случај е најдобрата заштита.
ДАЛИ ПЕЕЊЕТО Е ОПАСНО?
И заборувањето и пеењето, со навивањето и дерењето се варијации на иста тема, велат експертите.
“Во прашање е вообичаена работа, ако се дерете или пеете, јасно е дека многу повеќе и посилно дишите, а исто така и вашето издишување е многу посилно, па честичките полесно се шират низ просторот“, објаснуваат тие.
ДАЛИ Е БЕЗБЕДНО ДА СЕ БИДЕ НА ОТВОРЕНО?
Сите докази упатуваат дека е безбедно.
“Овој вирус најлесно се шири ако многу време минувате во затворен простор. Ако сте надвор, на отворено каде дува ветре, вирусот не се шири така лесно“, велат лекарите.
ДА СЕ ПОТСЕТИМЕ КОИ СЕ СИМПТОМИТЕ НА ИНФЕКЦИЈАТА КОВИД-19:
- Кашлица
- Зголемена телесна температура
- Краток здив
- Недостаток на воздух – отежнато дишење
- Нагло губење на осетот за мирис или за вкус
- Замор
- Болки во мускулите
- Болка во грлото
- Главоболка
- Пролив
- Мачнина или повраќање
