Здравата исхрана станува се полесна – експертите препорачуваат едноставно во оброкот да комбинирате намирници кои влијаат врз здравјето на одредени органи. Секако, веќе знаете дека морковите се добри за видот, но дали знаете што можат да направат за вашиот организам маслинките, грозјето, дињата, па и уште некои намирници.
Дињата и цитрусното овошје се препорачуваат за здравје на градите. Портокалите и дињите се полни со витамин Ц, кој е познат по тоа дека го штити и зајакнува имунитетот. Некои истражувања покажале дека исхраната богата со витамин Ц помага во превенција од рак на дојка.
Кинеската зелка е одлична за коските – таа е совршен извор на калциум, минерал кој е од суштинско значење за здрави коски и заби. Се верува дека маслинките се добри за јајниците. Во Италија било спроведено истражување, чии резултати покажале дека жените кои во својата исхрана вклучуваат многу маслинки имаат 30 проценти помалку шанси да развијат рак на јајниците. Причината се уште не е целосно разјаснета, но здравите масти и во маслиново масло можеби го потиснуваат активирањето на гените одговорни за развојот на оваа болест.
-
Не џабе велат – јадете ореви за мозокот. Оревите се одличен извор на есенцијални омега-3 масни киселини, кои се одговорни за „комуникацијата“ помеѓу мозочните клетки и кои се заслужни за когнитивните процеси, меморијата и здравјето на мозокот.
Сите знаат дека морковите се лек за очи. Содржат бета-каротен, кој е добар за мрежницата на окото и штити од оштетување предизвикано од сонцето. Црвеното грозје, пак, содржи флавоноиди, за кои експертите тврдат дека се совршена заштита од срцеви заболувања, рак и стареењето на мозокот.
