Долго време траат дискусиите за поврзаноста на она ШТО го јадеме и времето КОГА го јадеме. Сите сме ги слушнале класичните тврдења од типот “ако сакаш да ослабеш, немој да јадеш по 19 часот“, или “наутро на празен желудник прво испи чаша топла вода со лимон“ и слично.
Некои од овие тврдења се и научно докажани, некои не се, но факт е дека циклусот на движење на Сонцето влијае на голем дел од процесите што се одвиваат во телото, вклучувајќи ја и дигестијата (варењето) на храната.
Многу процеси кои имаат физиолошка и нутритивна важност за телото се одвиваат во 24 часовни циклуси. Во тие циклуси, на внатрешниот часовник делуваат сигнали од околината, како што светлината и темнината, звуците, временските услови, како и консумирањето на храна и пијалоци.
Неодамнешни истражувања покажале дека времето на земање на оброците може да има значајна улога во регулирањето на телесната тежина. Во едно такво истражување на лица кои биле на диета за слабеење, докажано е дека кај лицата кои својот главен оброк го земале подоцна (по 15 часот) губењето на телесната тежина било значајно помало, во споредба со лицата кои тој оброк го внесувале порано (пред 15 часот).
6 начини да се ускладите со својот биолошки часовник
- Денот започнете го со здрав и целосен појадок
- Јадете редовно – најдете распоред кој ви одговара и обидете се максимално да се придржувате
- Јадете три главни оброци и по потреба еден или два меѓуоброка
- Ако е можно, однапред планирајте ги своите дневни оброци и избегнувајте прескокнување на главните оброци – појадок, ручек и вечера, важни се колку и појадокот!
- Оброците нека бидат балансирани и настојувајте да не го зголемите енергетскиот внес во текот на денот, наспорти претходниот ден
