До диспнеа може да дојде во рамките на предменструален синдром, менопауза, стрес, нервоза, пушење, како и поради промени на климатските услови, но причина може да бидат и многу сериозни состојби.
За појавата на “тесен граден кош“ или “чувство дека не може да се вдише до крај“, како што пациентите вообичаено ја опишуваат диспнеата може да биде одговорна астмата, хроничниот бронхитис, воспаление на бели дробови, пукање на белодробната обвивка, претворање на белодробното ткиво во лузни или присуство на вода во плеврата.
Исто така, причина може да бидат и кардиолошки проблеми, како што се пореметување на ритамот на срцето, слабост на срцето, воспаление на срцевиот мускул, како и анемија и заболувања на штитната жлезда, објаснуваат пулмолозите.
За утврдување на точната причина, неопходна е дијагностика.
Според стручњаците, не треба да се тргнува од претпоставката дека недостатокот на воздух е последица од нервоза или стрес, туку треба да се исклучат сите други причини. Важно е на време да се направат основните лабораториски анализи, ЕКГ и снимка на белите дробови. Во зависност од наодите, на пациентот му се дава упат за соодветен специјалист, објаснуваат лекарите.
Здравите животни навики, откажувањето од пушење и антистрес програмите како јога и медитација, кај лицата чија диспне не е последица од сериозни органски болести, може многу да ја подобрат состојбата.
Вежбите за дишење се важни кај пациентите кај кои ова пореметување е предизвикано од белодробни болести. Кај пациентите кај кои причина за диспнеата е нервозата или хормоналниот статус, исто така помагаат вежби за опуштање, чаеви или послаби седативи кои ќе им ги препише докторот.
