Високиот индекс на телесна маса е поврзан со поголем ризик од смрт и продолжено лекување на одделите за интензивна нега кај пациентите со КОВИД-19, укажува шведска студија во која учествувале 1.649 пациенти со коронавирус.
На основа на овие резултати се смета дека обезните лица треба повнимателно да се следат кога ќе бидат хоспитализирани поради КОВИД-19.
Инаку, претходни студии покажале дека високиот индекс на телесна маса (БМИ) е ризик фактор за тежок КОВИД-19.
Исто така, треба да се спомене дека покрај дебелината и постарата возраст, машкиот пол, дијабетесот, хипертензијата, срцевите заболувања и заболување на црниот дроб и бубрезите се идентификувани како ризик фактори за развој на тешка форма на КОВИД-19.
