„Фантомско ѕвонење“ или чувството дека го слушате телефонот како ви звони, а всушност немате повик е уште еден феномен на моредното живеење. Со него се среќааваат милиони луѓе секој ден кои се колнат дека почувствувле дека телефонот им ѕвони или вибрира во ташна или во џеб, но кога ќе проверат нема повик ниту пак порака.
Научниците оваа појава ја објаснуваат како синдром “фантомско ѕвонење“, кој ни е во главите, откако почнавме масовно да користиме мобилни телефони. Австралискиот психолог Алекс Блашчински истакнува дека е поврзан со електричните сигнали кои се емитираат за време на повикот и кои ги “допираат” нервите.
Тој објаснува дека кога ги чувствуваме вибрациите што не постојат, не се работи за фантазија, туку за вистинското чувство, бидејќи реагираат на нашите нерви.
Американскиот психолог Лари Роузен, пак, верува дека овој феномен се случува и бидејќи многу често, речиси во секое време од денот и ноќта очекуваме некој повик. Други експерти велат дека вибрациите може да се почувствуваат и врз основа на неточна интерпретација на сензорни сигнали во нашиот мозок.
Анкетата која откри дека фантомските вибрации ги доживеале 68 отсто од испитаниците, а 87 отсто од нив кажале дека тоа им се случува секојдневно.
