Светот на 1. Декември го одбележува Меѓународниот ден за борба против СИДА-та, но како и во претходните три и половина децении, го прави тоа без вакцини кои би ги заштитиле луѓето од вирусот на хумана имунодефициенција (ХИВ)?
Еден одговор лежи во недостатокот на политичка волја и големи инвестиции кои го поттикнаат развојот на вакцини против коронавирусот.
Вториот е сложеноста на ХИВ, откриен во 1983 година. “Научниците кои ја развиваат вакцината против ковид се загрижени дали таа ќе може да не одбрани од неколку варијанти“, се вели во јунскиот извештај на Меѓународната иницијатива за вакцина против СИДА (IAVI).
“Но, кога станува збор за ХИВ, постојат милиони и милиони различни вируси што е резултат на неговата способност брзо да мутира. Тоа е тоа неверојатно ниво на различност со кое мора да се бори секоја вакцина против ХИВ“, се додава во извештајот.
Иако повеќето луѓе можат природно да се опорават од првичната зараза со коронавирус и на тој начин да стекнат имунитет, тоа не е случај со ХИВ, вели Оливие Шварц, раководител на одделот за вируси и имунитет на Институтот Пастер во Париз. “ХИВ мутира многу побрзо од КОВИД-19 и затоа е потешко да се произведат таканаречени широко неутрализирачки тела кои ќе ја спречат инфекцијата“, потенцира Шварц.
Само мал процент лица природно ги произведуваат тие антитела кога се изложени на ХИВ. Истражувањето вакцини против ХИВ подразбира проучување на таквите ретки реакции, разбирање на начинот на кој делуваат и обиди за нивно реплицирање во имуните системи на здрави лица.
Првиот ХИВ позитивен случај во Р. Македонија е регистриран во 1987 година.
Прво лице заболено од СИДА е евидентирано во 1989 година.
Првиот смртен случај од СИДА во земјава е регистриран во 1989 година.
Се проучуваат десеттици вакцини, а меѓу нив и на американската компанија Модерна, која наастојува да користи мРНА метода како онаа за вакцината против ковид. Тоа значи “насочување на имуниот систен, чекор по чекор, да поттикне производство на антитела кои можат да се спротивстават на ХИВ“, се појаснува во извештајот, но и се додава дека техниката, во овој случај, се покажала комплицирана бидејќи вклучува почетна доза на вакцина за активирање на важните Б-клетки пред да со неколку дози вакцина да се обиде да се поттикне производство на низа антитела.
“Во текот на изминатите неколку години, имаше невидено зголемување на сфаќањето на имуниот систем. Но, дури и со очигледните откритија, напредокот во развојот не е доволен за да се каже дека наскоро ќе имаме вакцина против СИДА “, вели Серавит Брук-Ландаис од француската организација Сидакшн.
