Кверцетинот се смета за еден од најважните антиоксиданси (најмногу застапен во овошјето и во зеленчукот), кој во содејство со витамините Ц и Е, го штити организмот од штетните ефекти на слободните радикали. Истовремено, кверцетинот го блокира ослободувањето на хистаминот, материја вклучена во сите воспалителни процеси во организмот. Комбинирањето на суплементи на сите природни антивоспалителни препарати е најдобро, со оглед дека тие делуваат синергиски и така ако се консумираат во комбинација ќе дадат и најсакани ефекти. За среќа, постојат многу природни противоспалитени средства кои се ефикасни како медикаменти, но за разлика од лековите, немаат никакви несакани дејства.
РИБИНО МАСЛО
Не само што ги подмачкува зглобовите, туку ја намалува и болката и воспалението. Рибиното масло во организмот се претвора во антивоспалителна состојка која ги уништува инфламаторните материи. Бројни истражувања сега докажуваат дека консумирањето на рибиното масло може да го намали воспалението при артритис. Потребната доза е 1 000 мгна комбинирано омега 3 масни кислени EPA и DHA, што значи 2-3 капсули дневно.
МСМ
Метилсулфонилметанот (МСМ) е извор на есенцијалниот минерал сулфур кој учествува во бројни клучни функции за организмот, вклучувајќи ја и контролата на болка, детоксикација и обновување на ткивата. Истражувањата покажуваат дека внесувањето на овој суплемент дава исклучителни резултати кај лицата кои болесдуваат од артритис. За шест недели секојдневно консумирање МСМ, болката кај пациентите се намалила за 80 %.
КУРКУМА
Изразениот жолт пигмент во овој зачин е богат со куркумин, активна состојка која делува антивоспалително. Клинички испитувања кај болни со артритис покажале дека куркиминот делува слично на антивоспалителните медикаменти, но без несакани дејства. Освен овој корисен ефект, куркуминот е и многу силен антиоксидант. Најновите испитувања покажуваат дека во ниски дози може да ја подобрат и реакцијата на антителата. Тоа наведува на заклучок дека корисните својства на куркуминот во лекување на артритисот, но и при третман на алергии, астма, атеросклероза, болести на срцето, дијабетес, Алцхајмерова болест и канцер делумно се основани на неговата способност да го модифицира иумниот систем.
АШВАГАНДА
Активните состојки на оваа билка со противвосплатиелно дејство се нарекуваат витанолиди, а бројни студии укажуваат на нивниот позитивен ефект во ублажување на болките при симптоми на артритис. Додека хидрокортизонот (состојка во антиинфламаторните лекови) ги ублажува тешкотиите при артритис за 44%, екстрактот од ашваганда го прави тоа за 89 %.
КОПРИВА
Копривата е тајно оружје на нашите предци во борба против ревматоидниот артритис. Нејзината активна состојка делува како природен аналгетик со противвоспалително дејство. Има висока витаминска вредност, содржи многу белковини, јаглехидрати, масти, а од минералите калциум, фосфор, магнезиум, витамините Ц, А, Б2, Б5, К, каротен, пантотенска киселина, лецитин и танин.
