За некои жени зголемувањето на градите навистина може да значи позитивни промени, од промена на изгледот до пораст на самодовербата. Но сепак со оглед на тоа дека станува збор за зафат кој носи одреден ризик по здравјето и со оглед на тоа дека во повеќето случаи медицинско оправдување за операција нема, важно е добро да се размисли пред да се чукне на вратата на пластичниот хирург. Следните прашања можат да ви помогнат дали навистина ви се потребни имплантанти?
Зошто сакам да ги зголемам градите? Ако сметаш дека поголеми гради ќе го подобрат твојот изглед и ќе ти донесат повеќе самодоверба, твоите причини се во ред. Ако, пак, мислиш дека ќе ти го сменат животот те чека големо разочарување, без оглед колку совршени би биле градите. Зголемувањето на градите може да помогне, но драстични промени нема да има.
Колку поголеми гради сакам? Ако сега носиш градник со големина А, а посакуваш гради пет броја поголеми, твоите очекувања се нереални. Треба добро да се размисли која величина одговара на твоето тело, односно конституцијата. Веројатно, сакаш да изгледаш посексапилно, но тоа е полесно да се постигне имајќи го предвид целото tело, а не само гради со импресивна големина.
Што ми е важно освен големината? Освен големината уште зборуваме и за обликот, полноста, растојанието меѓу градите. На хирургот можеби ќе му помогнеш ако му донесеш фотографија од градите што ги сакаш.
Дали сум со добро здравје? На операција мораш да заминеш здрава. Како и секој друг хируршки зафат и зголемувањето на градите бара време за опоравување. Ако си совршено здрава, шансите побрзо да се опоравиш и резултатот да биде што е можно подобар се многу поголеми.
Каква репутација има мојот лекар? Добро распрашај се пред да одбереш лекар. Пластичниот хирург би требало да има врвни квалификации и добра репутација, а добро би било да чуеш и некое искуство од прва рака. Можеби цената ќе биде повисока, но ова не е момент на кој треба да се штеди.
Дали сум спремна да соработувам со лекарот? Лекарот може да биде најдобриот можен, но и ти како пациент треба да имаш реални очекувања. Морате отворено да разговарате и да соработувате затоа што двајцата сте на иста страна, а само така резултатот ќе биде најдобар можен.
Дали сум подготвена да одам на редовни контроли на имплантите? Затоа што зголемувањето на градите тоа го бара. И подоцна е важно да се оди на контроли затоа што треба да бидеш сигурна дека се е в ред.
Дали оваа идеја е навистина МОЈА? Дали навистина не си задоволна од своите гради? Или тебе ти се ОК, но тоа го посакал твојот партнер sо кого можеби следната година нема да бидеш во врска?! Или градите ги зголемиле три твои пријателки, па мислиш дека си тотално аут? Седиш како скиснато маче додека тие се фалат со деколтеата и ти се чини дека нивниот живот е навистина многу подобар? Или можеби едноставно сакаш да изгледаш како како секси пејачка, холивудска ѕвезда…
