За полесно да препознаете кога болката може да биде сериозен симптом ви донесуваме листа на 10 видови на болка кој што не смеете да ги игнорирате.
ЗАБ ВЕ БОЛИ АКО СТЕ ИСПИЛЕ НЕШТО СТУДЕНО
Доколку е оштетена забната глеѓ, тоа предизвикува изложување на забниот нерв што ќе предизвика појава на силна болка кога тоа подрачје ќе допре било каква студена или топла течност. Освен болка, може да дојде и до инфекција која може да се прошири низ остатокот од телото. Потребно е да се посети стоматолог.
БОЛКА ВО РАКАТА, ЗГЛОБОВИТЕ ИЛИ ПОДЛАКТИЦАТА
Ако болката и вкочанетоста се јават во прстите или дланката, може да се работи за карпален тунел. Ако не се лекува, мускулите во раката може да ја изгубат својата функција и може да има проблеми со користењето на раката. Разговарајте со лекар што побрзо за да ги разгледате сите опции за лекување.
БОЛКА КОЈА ШТО СЕ ШИРИ ВО ГРАДИТЕ
Ова е класичен симптом на инфаркт, што е последица на недоволно кислород што допира до срцето. Болката може да се шири на вилицата, рамената или вратот. Веднаш повикајте итна помош.
ТАПА БОЛКА ВО ГРБОТ
Доколку болката прогресивно се влошува и е проследена со температура или мачнина, може да се работи за инфекција на бубрезите, труење на крвта… важно е да се посети лекар што побрзо.
ГЛАВОБОЛКАТА ШТО ИЗНЕНАДНО СЕ ЈАВУВА
Ако главоболката се јави одеднаш и е многу интензивна, може да се работи за аневризма во мозокот, која ако веднаш не се лекува, може да биде опасна и да доведе до мозочен удар. Важно е веднаш да побарате стручна помош.
БОЛКА ВО ДОЛНИОТ ДЕЛ НА ГРБОТ КОЈА СЕ ШИРИ КОН НОЗЕТЕ
Овој вид на болка често е симптом на ишијас кој се појавува по повреда или притисок на нервите. Разговарајте со лекар како да ја намалите болката и како да се лекувате. Ако се јавува и слабост во нозете или губење на контрола над мочниот меур, може да се работи за редок синдром кауда еквина, кој предизивкува парализа.
БОЛКА ВО СТОМАКОТ
Ако со неа се јавува и температура, мачнина или повраќање, може е во прашање воспаление на слепото црево, а ако не се реагира на време, може да предизвика опасна инфекција.
БОЛКА ВО ДОЛНИОТ ДЕЛ НА СТОМАКОТ
Менструалните грчеви се нормална појава кај жените, но ако стануваат се полоши и интензивни или не поминуваат, може да се работи за еднометриоза, состојба кога ткивото расте во матката и се шири. Посетете гинеколог.
ГРЧЕВИ ВО НОЗЕТЕ
Доколку болката се јавува со црвенило, топлина и отекување, може да се работи за длабока венска тромбоза. Посетете лекар за да ви направи ултразвук, а вие не го масирајте болното место, бидејќи на тој начин згрутчувањето може да го поттикнете да се шири понатаму во телото.
ТРНЕЊЕ НА СТАПАЛАТА
Ако не ги чувствувате стапалата, или се јавува трнење, може да се работи за оштетување на нервите предизвикано од дијабетес. Посетете лекат за да ви ги направи потребните тестови. Доколку се работи за големо оштетување, може да дојде и до ампутација на стапалото.
