Силните мачнини може да доведат до дехидратација и недостаток на нутритиенти за време на бременоста, што драстично го зголемува ризикот од развој на аутизам кај бебињата. Научниците сакаат трудниците да бидат свесни за оваа врска, затоа што може да помогне во навременото дијагностицирање аутизам.
„Оваа студија е важна затоа што сугерира дека децата на мајките кои пателе од трудничка хиперемеза се изложени на поголем ризик од аутизам. Свеста дека постои оваа врска може да помогне во раното дијагностицирање и интервенцијата кај децата кои го имаат ова пореметување“, вели водечкиот автор на студијата, доктор Дариос Гетаун. Гетаун и неговиот тим научници од Калифорнија анализирале податоци на речиси половина милион трудници и деца родени меѓу 1991 и 2014 година. Ги споредиле децата и мајките кај кои се дијагностицирани интензивни утрински мачнини (hyperemesis gravidarum) и утврдиле дека шансите овие мајки да родат деца кои имаат пореметување од спектарот на аутизмот се поголеми за дури 53 отсто!
Попрецизно научниците истакнуваат дека овој ризик бил поголем во слуачите кога силната мачнина е дијагностицирана во првото или второто тримесечје, отколку во третото. Научниците, исто така, откриле дека врската меѓу утринските мачнини и аутизмот е посилна кај девојчињата отколку кај момчињата.
Интензивните утрински мачнини се дијагностицираат кај помалку од пет отсто трудници. Жените кај кои се дијагностицираат имаат силни мачнини и често повраќаат, односно не можат да ги задржат храната и пијалаците во стомакот.
