Сулфурот благотворно делува во случаи на инфекции на бронхиите, хроничниот ларингитис и ринитис. Тоа, исто така е моќно средство против алергии. Бидејќи делува универзално, тој е ефикасен и во борбата против астма и некои кожни осипи.
Неговите антиоксидантни својства помаат и во борбата против стареењето на мозокот, како и кај дигстивните болести. Сулфурот ги штити зглобовие од артрит, поттикнува обновување на ‘рскавиците на зглобовите. Учествува и во елиминирањето на токсините и го снабдува мозокот со кислород, ја поттикнува функцијата на црниот дроб и жолчката, како и варењето.
Знаци на недостаток во организмот се мрсна и кршлива коса, првут и опаѓање.
Сулфурот не постои во чист облик, се наоѓа во составот на некои аминокиселини, важни залихи на протеини за организмот. Поради тоа, недостатокот доведува и до намалување на отпорноста на организмот од инфекции. Неговото ниско ниво во телото предизвикува здравствени тегоби како што се замор, депресија, висока чувствителност на физички и психички стрес, како и дегенеративни болести.
Во случај на болки во грбот, сулфурот помага: ја враќа еласничноста на болниот и вкочанет грб. Исто така, по ишчашување, воспаление на тетивите – терапија со сулфур, манган и кобалт, поттикнува обновување на повредените лигаменти и тетиви. Во случај на ревматизам, неопходно е да проверите дали внесот на сулфур е доволен. Честите мигрени, исто така може да бидат ублажени со помош на терапија со сулфур и манган.
Како да го избегнете недостатокот?
Потребите за сулфур во организмот се движат од 600 до 800мг дневно, што може лесно да се достигне со разновидна и балансирана исхрана. Исхраната мора да биде богата со протеини, носители на сулфурни аминокиселини (риба, јајца, месо).
Минералот сулфур сам по себе се наоѓа во кромидот и лукот. Црната ротквица, која често се користи за дренажа на црниот дроб, исто така е добар извор на сулфур. Јадете зелка, праз, шпаргли и сушен зеленчук. Продукти во кои има сулфур се: јајца, лук, кромид, месо, млеко, сирење, зелка, брокула, праз, црна ротквица, репката, авокадо, житарки, зелена салата, малини, лешник, бадеми, ореви, мешункасти полодови, компир.
