Нискиот крвен притисок познат како хипотензија е состојба што луѓето често ја игнорираат, иако таа може да доведе до катастрофални последици ако не се лекува. Сите показатели под вредностите 90/60 се квалификуваат како низок крвен притисок. Но мерењето на крвниот притисок е нешто на кое повеќето луѓе не обрнуваат внимание. Затоа е важно да ги знаете симптомите на низок крвен притисок и да се консултирате со лекар ако забележите честа појава на некои од нив.

Симптоми

Ова се најочигледните симптоми на она што се случува кога до мозокот и до виталните органи не стига доволно кислород.

• Чувство на вртоглавица  или зашеметеност;
• Заматен вид;
• Губење на свест;
• Срцебиење;
• Чувство на нестабилност;
• Гадење;
• Општа слабост.

Причини

Возраст: Можноста да имате низок крвен притисок после јадење или по менување на позата на телото се зголемува со возраста.

Гени: Медицинските истражувања покажуваат дека нискиот крвен притисок е генетски предиспониран. Ако вашите родители имаат низок крвен притисок, тогаш бидете претпазливи.

Дехидратација: Ако сте изгубиле премногу течност поради прекумерно потење, дијареја или повраќање, може да имате низок крвен притисок.

Лекови: Некои лекови како што се антидепресиви и алфа и бета-блокатори, исто така, може да предизвикаат низок крвен притисок.

Повреда или шок: Ако сте претрпеле шок или сте изгубиле многу крв одеднаш, тоа може да биде причина за намалување на крвниот притисок.

Болест: Нискиот крвен притисок е типичен за невролошки болести како Паркинсонова болест, дијабетес, хормонални пореметувања и анемија

Видови хипотензија

Нискиот крвен притисок веќе е јасно дека може да биде предизвикан од многу фактори. Обидете се да водите дневник за времето и местото кога ви паѓа крвниот притисок. Може да бидете изненадени од резултатите. Може да сфатите дека притисокот ви паѓа кога подолго време сте стоеле исправени или, пак, сте се претерале со јадењето.

Ортостатска хипотензија: Овој тип на низок крвен притисок може да се случи по тренинг или по нагло исправање. Се зголемува со возраста. Обидете се да исправете од одредена позиција побавно, особено по долгите престој во седечка или во лежечка положба.

Постпрандијална хипотензија: Овој вид на низок крвен притисок се набљудува по јадење. Обично се следи кај повозрасни лица, особено кај оние кои страдаат од дијабетес, висок крвен притисок или Паркинсонова болест. Во овој случај, добро е да се јаде на избалансиран начин, да не се менува времето на јадење и полека да се џвака.

Ако забележите некои од симптомите на низок крвен притисок, најдобро е да се консултирате со лекар. Во меѓувреме, обидете се да го промените вашиот животен стил – да јадете здраво, да вежбате повеќе и да заборавите на седечкиот начин на живот.