Болката во грлото, проблеми со варењето или столицата, наглото губење или додавање тежина се симптоми на кои повеќето луѓе не обрнуваат внимание или не им даваат значење. Сметаат дека не се сериозни симптоми, но според лекарите, токму тие можат да бидат сигнал дека телото се бори со многу посериозна болест. Тие препорачуваат при посета на лекарот да се кажат сите тегоби, па и оние кои ги сметаме за несериозни, бидејќи тоа може да ни го спаси животот.
Симптоми кои мора да се сфатат сериозно
Кашлање
Со оглед на тоа дека сезоната на грип и настинки сѐ уште трае, па кашлањето е нешто што се подразбира како нормално за овој период од годината. Сепак, доколку потрае подолго и не престанува, може да биде симптом за рак на грлото, штитната жлезда или лимфом.
Промени во варењето
Иако најчесто се резултат на лошата храна или земање лекарсктрва, проблемите со дигестивниот систем може да укажат и на рак на цревата доколку се повторуваат подолго време.
Уринарни проблеми
Уринарните инфекции се чест проблем кај жените, па болката во долниот дел од стомакот често им се припишува ним. Сепак, доколку забалежите крв во урината или имате подолго време потреба за постојано мокрење, обратете се кај лекар, може да се соочувате со симптоми на рак на мочниот меур, бубрегот или простата.
Необјаснива болка
Силна и упорна болка со телото е секогаш знак за проблем, а може да значи било што, од рак на јајниците до рак на коските.
Болка во грлото
Ако болката не е поврзана со настинка или грип, туку трае долго и е силна, може да биде симптом за сериозна болест, рак на грло или на гркланот.
Губење на тежината
Необјаснивото намалување на телесната тежина, повеќе од десет килограми за кратко време, може да биде прв знак на ракот, особено на желудник, бели дробови, хранопровод или панкреас
