Кога ќе дојде до затајување на бубрезите, тоа обично значи намалено излачување на урина, по што доаѓа до насобирање на токсини во телото. Тоа е опасна по живот состојба која мора да се лекува.
Некои од најчестите причини поради кои може да дојде до затајување на бубрезите се:
Несоодветен или недоволен доток на крв во бубрезите
Постојат некои состојби и болести кои можат да доведат до престанок на доток на крв во бубрезите, вклучувајќи срцев удар или други болести на срцето, затајување или други проблеми со црниот дроб, дехидрација, алергиски реакции, сепса или други видови на сериозни инфекции. Некои лекови за намалување на воспаленија и хипертензија може да го ограничат протокот на крв.
Блокада на уринарните патишта
Постојат одредени карциноми, како рак на дебелото црево, на мочниот меур и рак на простата кои можат да спречат уринирање. Камен во бубрезите и крвни згрутчувања во уринарниот систем исто така може да предизвикаат проблеми со мокрењето.
Останати причини и симптоми
Други причини вклучуваат злоупотреба на дрога и алкохол, како и преоптоварување на телото со тешки метали, кои предизвикуваат токсичност.
Во некои случаи нема јасни симптоми дека дошло до затајување на бубрезите, а ова се некои од знаците кои треба да се сфатат како предупредување:
- Намалено производство на урина
- Отекување на зглобовите, стапалата и нозете поради задржување на течности
- Отежнато дишење
- Збунетост
- Екстремен замор или поспаност
- Постојана мачнина
- Болка
- Притисок во градниот кош
