Често го занемаруваме, а ни ја чува главата и телото – витаминот Б12 е мошне важен во секојдневната исхрана. Го има во животинските производи, заради ова на удар се вегетаријанците и посебно веганите.
Важен е за функционирање на нервниот систем и за производство на црвени крвни зрнца. Може да влијае на менталното здравје, да предизвика проблеми со памтењето, а во некои случаи и депресија.
Недоволното количество на овој витамин доведува до недостаток на енергија, екстремно чувство на замор, мускулна слабост.
Една неодамнешна студија покажала дека луѓето со намалено ниво на витамин Б12 имаат помала густина на коските, што го зголемува ризикот од остеопороза. Во посериозни случаи неговиот недостаток може да ја загрози бременоста и да предизвика кардиоваскуларни проблеми. Колку повеќе време помине без третирање, поголема е шансата да дојде до трајно оштетување.
Се наоѓа во животинските производи како што се месото, млекото, јајцата, сирењето, рибата, затоа и претставува проблем за веганите. Затоа треба внимателно да се читаат декларациите бидејќи производителите често го додаваат во храната во вид на оризово млеко или млеко од јаткасти плодови.
