Одредени симптоми ви се појавуваат редовно и тоа брзо откако ќе јадете, тоа всушност би можело да значи дека сте интолерантни на одредени намирници. Еве на што треба да обрнете внимание:
Кога е во прашање интолеранцијата на некоја храна не важи правилото за умереност. Консумирањето храна на која сме чувствителни доведува до интензивна работа на системот за варење, кој дава сигнали дека нешто не е во ред. Ако после некое време повторно почувствувате желба за одредена храна и повторно дојде до проблеми во системот за варење, значи дека сте интолерантни на хистамин и дека мора да избегнувате намирници кои се богати со него, а го има во преработената храна.
Хроничниот замор кој се јавува и после неколку часа сон може да биде показател дека сте интолерантни на намирниците кои ги консумирате секојдневно. Заморот и недостатокот од енергија укажуваат на тоа дека храната не се разградува како што треба и дека телото не може да ги апсорбира сите хранливи материи. Односно телото вложува големи напори за да се ослободи од соединенијата кои му штетат, поради што нивото на енергија секој ден се намалува, а заморот расте.
Ако забележите дека вообичаените лекови за киселини не ви помагаат, тогаш, веројатно, токму интолеранцијата може да е причина за нивната појава.
Повеќето луѓе сметаат дека болките во зглобовите се знаци на старост, но понекогаш може да се индикатор и на хронични воспаленија. Знаат да се појават откако ќе се напиеме млеко или некој млечен производ, а потоа можат да следуваат разни воспалителни процеси. Болките проследени со други симптоми, како проблеми во варењето или главоболки, може да се знак на интолеранција на одредени намирници како што е глутенот.
Кожата е најголемиот човеков орган, па проблемите во организмот често се манифестираат и надвор, односно на кожата. Зачестените проблеми со кожата, дури и кога сме ги испробале сите можни третмани, можат да бидат показатели за интолеранција на храната која секојдневно ја консумираме.
Најчест симптом на интолеранција на храна се токму пречките во варењето кои вклучуваат гасови, надуеност и запек. Причина за тоа е пореметувањето на нивото на добрите бактерии.
Секој од симтомите, освен на здравјето, влијае и изгледот и расположението. Затоа треба да се земе предвид дека она што го јадеме можеби не му годи на нашиот организам.
