Се појавува на одредена возраст и тоа главно меѓу 35 и 50 година од животот. Повеќето жени се неспремни за појавата на симптомите на овој синдром и им се создава паника бидејќи менопаузата ја сфаќаат трагично и таа го означува крајот на нивната плодност.
Еве некои симптоми кои укажуваат на почеток на менопауза:
- Нередовниот циклус е првиот и највообичаен симптом на менопаузата, а се должи на нестабилноста на хормоните во телото.
- Топли, а понекогаш и ладни валунзи се случуваат ненадејно и предизвикуваат црвенило во лицето. Сето тоа се случува заради падот на естрогенот.
- Жените кои минуваат низ менопауза можат да страдаат и од несоница, а причина за тоа се брановите на жештина. Освен снабдувањето на телото со естроген, во периодот на менопауза опаѓа и снабдувањето со прогестерон.
- Заради намаленото производство на естроген, хормон кој е одговорен за одржување на влажноста на вагината, ткивото почнува да се суши и станува помалку еластично.
- Чувството на напнатост, нервоза и депресија можат да ја совладаат жената која минува низ менопауза. Вознемиреност и губење на емоционалната стабилност се вообичаени симптоми, како и нападите на паника и физичките знаци, како забрзано биење на срцето и отежнато дишење.
- Заради хормоналната неурамнотеженост екстремитетите почнуваат полека да отекуваат и да болат. Меѓутоа, доколку е болката е зачестена и неподнослива, не е лошо да се побара лекарско мислење.
- Чест симптом на влегувањето во менопауза е и постоењето на хормонална неурамнотеженост која се гледа и во промените во растењето на косата. Заради намаленото производство на естроген може да дојде и до проретчување или губење на косата.
