Кремата за лице е, веројатно, неизоставен и најважен производ кога станува збор за декоративната козметика, но не ретко се случува да користиме погрешна. Како резултат на тоа доаѓа до несакани последици, а еве кои се знаците дека користиме погрешна крема.
Затегнување на кожата на лицето
Доколку забележите затегнување или чувство на затегната површина на кожата, веднаш сменете ја кремата.
Чувство на непријатност
Ако по нанесувањето на кремата забележите чувство на непријатност или чешање, измијте се. Не мора да има црвенило, и чувството на непријатност е доволно.
Чувство на силна топлина на лицето
Ако по нанесувањето на кремата почувствувате дека лицето ви жари, сигурно треба да ја смените кремата.
Црвени акни
Постепената појава на црвени акни може да значи почеток на розацеа (хронично воспаление обележано со склоност за развој на црвенило), која може да биде поврзана со конзерванси во козметичките препарати.
Појава на црвенило на сонце
Појава на црвенило на лицето додека е изложено на сонце значи дека во кремата има состојка која не препорачува престој на сонце, па затоа комбинацијата на таа состојка и сонцето предизвикува хемиска реакција на кожата.
Алергиска реакција
Несоодветната крема може да предизвика и појава на контактна алергија која се лекува низ период од повеќе месеци, а може да доведе до затворање на очните капаци или дури и оток на усните. Со оглед на тоа дека некои реакции се појавуваат после извесно време од употребата на кремата, не можеме веднаш да бидеме сигурни која крема ни одговара. Меѓутоа повеќето реакции се појавуваат по само неколку секунди од нанесувањето, така што за проценка би можеле да помогнат тестерите.
