Дијабетесот, за жал, се јавува кај многумина, а особено кај младите лица, наведува Центарот за превенција и контрола на болести (ЦДЦ).
“Дијагнозата дијабетес тип 1 и тип 2 се во пораст кај младите, од 2001 до 2017 година бројот на лица помлади од 20 години, а кои имаат дијабетес е зголемен за 45 проценти“, нагласуваат експертите од Центарот, а оваа состојба и понатаму останува водечка причина за смртност, според Светската здравствена организација. Лекарите откриваат кои симптоми не смеете никако да ги игнорирате.
ПРЕЧЕСТО ОДЕЊЕ ВО ТОАЛЕТ
Просечна личност мокри помеѓу четири и седум пати во текот на еден ден, меѓутоа лицата со дијабетес мократ почесто. Д-р Миниша Сод, ендокринолог во болницата Леној Хил вели дека кога ќе дојде до пораст на глукозата во телото, тоа се обидува да ја елиминира преку урината, па тоа е причината за зачестеното одење во тоалет.
ИНТЕНЗИВНА ЖЕД
“Со оглед дека низ урината телото губи глукоза, а и вода, логично е дека може да дојде до дехидрација и зголемена жед“, појаснува д-р Сод.
МАТЕН ВИД
Промената во нивото на течности во телото може да доведе до текување на очите и така да предизвика проблеми со видот, кој се мати. Очите буквално ја менуваат својата форма и ја губат способноста за изострување на предмети.
НА КОИ ДРУГИ СИМПТОМИ ТРЕБА ДА ОБРНЕТЕ ВНИМАНИЕ?
Директорката на програмата за едукација за дијабетес при Универзитетот Мериленд, Ангела Џин- Мидаун наведува дека тоа може да бидат губење на тежината, глад, сува кожа и повторливи габични инфекции. Некои луѓе нема да имаат никакви симптоми.
ЗОШТО ДОАЃА ДО ПОРАСТ НА БРОЈОТ НА ЗАБОЛЕНИ?
“Случаите на дијабетес се во пораст, веројатно поради достапноста на високо преработена храна и општото намалување на влакна и друга здрава храна низ целиот свет. Седечкиот начин на живот станува се попопуларен, а се помалку физичката активност. Тоа се доведува и до пораст на случаеви на обезност, а знаеме дека таа е ризик фактор за развој на дијабетес и токму овој проблем се смета за најголем виновник“, објаснува д-р Сод.
КОИ ЖИВОТНИ ОДЛУКИ МОЖЕ ДА ВЛИЈААТ НА ПРЕВЕНЦИЈА НА ДИЈАБЕТЕСОТ?
Превенцијата на дијабетесот се базира на здрава исхрана, физичка активност, како и намалување на вишокот килограми – и никогаш не е предоцна за промени. Размислете за советите што ги дава Американското здружение за дијабетес.
Начини на превенција на дијабетес:
- БИДЕТЕ ФИЗИЧКИ АКТИВНИ
- ЗГОЛЕМЕТЕ ГО ВНЕСОТ НА РАСТИТЕЛНИ ВЛАКНА
- ВО ИСХРАНАТА ВКЛУЧЕТЕ ИНТЕГРАЛНИ ЖИТАРКИ
- ПОСВЕТЕТЕ СЕ НА НАМАЛУВАЊЕТО НА ТЕЛЕСНАТА ТЕЖИНА
- ИЗБЕГНУВАЈТЕ БРЗИ ДИЕТИ И ИЗБИРАЈТЕ ЗДРАВА ИСХРАНА
