Ова е преглед на најважните разлики помеѓу симптомите на грип и симптомите на обична настинка.
| Симптоми и знаци | ГРИП | НАСТИНКА |
| ПОЧЕТОК НА БОЛЕСТА | МНОГУ НАГЛО | ПОСТАПНО |
| ТЕМПЕРАТУРА | ВИСОКА | НОРМАЛНА ИЛИ УМЕРЕНО ЗГОЛЕМЕНА |
| ГЛАВОБОЛКА | РЕДОВНО | РЕТКО |
| БОЛКИ ВО МУСКУЛИТЕ | ЧЕСТО | РЕТКО |
| ЗАМОР И ИСЦРПЕНОСТ | ПОСИЛНО ИСТАКНАТ | НЕ |
| КАШЛИЦА | СУВА, МНОГУ НЕПРИЈАТНА | ОТСУТНА ИЛИ БЛАГА |
| ЗАТНАТ НОС | ПОНЕКОГАШ | РЕДОВНО |
| КИВАЊЕ | ПОНЕКОГАШ | ВООБИЧАЕНО |
| КОМПЛИКАЦИИ | ЧЕСТО | МНОГУ РЕТКО |
| ИЗОСТАНОК ОД РАБОТА ИЛИ УЧИЛИШТЕ | ЧЕСТО | РЕТКО |
Грипот е тешка, а понекогаш и смртоносна болест поради бројни и различни компликации. Тие може да бидат предизвикани со самиот вирус на инфлуенца или со секундарни бактериски инфекции, односно со заедничко делување на вирусот и бактериите. Комликациите се најчесто во самиот респираторен систем (воспаление на уво и синуси, пневмонија), но може да бидат зафатени и сите други органски системи.
Освен што е често, воспалението на бели дробови е и најтешката компликација на инфлуенцата, бидејќи е одговорна за повеќето смртни случаи од оваа болест. Познати се две основни, етиолошки и клинички различни форми на воспаление на белите дробови при инфлуенца. Тоа е примарна вирусна пневмонија, предизвикана со самиот вирус на инфлуенца, која почесто се појавува во пандемии, и секундарна бактериска пневмонија чии причинители се бактерии (хемофилус, стафилокок, пнеумокок).
Основното лекување на грипот е симптоматско, а означува постапки за отстранување и ублажување на оделни симптоми на болеста, ако се посилно истакнати.
Тоа вклучува мирување, надоместување на течности, како и земање на лекови за намалување на телесната температура и смирување на кашлицата. Со оглед дека грипот е предизвикан од вируси, антибиотиците не се ефикасни, па со нив може да се лекуваат само бактериските компликации, односно воспаление на уво или синуси и пневмонија.
