Како ХИВ влијае на женскиот организам
Промените кои се случуваат во телото на жената заразена со ХИВ се: главоболка, алба треска, промени во расположението, течење или затнат нос, отечени лимфни жлезди, замор, малнина, губење на апетитот, дијареја, промени во менструалниот циклус, габични инфекции и лезии на кожата.
Симптоми на ХИВ кај жените
Во текот на првите неколку недели од заразувањето со ХИВ кај жените се јавува сероконверзија, процес за време на кој вирусот брзо се размножува. Во текот на овој период вирусот доведува до појава на симптоми слични на грип и тоа се нарекува акутна инфекција со ХИВ. Потоа се развиваат и други симптоми, особено ако личноста не прима терапија. Симптомите кај жените се слични на грип: замор, главоболка, слаба треска, кашлица, кивавица, течење на носот и затнат нос. Симптомите се јавуваат во период од втората до шестата недела после контаминацијата на телото и траат до еден месец. Многу симптоми на акутната инфекција со ХИВ се слични кај сите луѓе. Сепак кај жените се јавуваат и други показатели на болеста.
Потечени лимфни жлезди
Како што се размножува вирусот, симптомите полека се јавуваат. Доколку навреме ја откриете болеста, терапијата може да ја забави инфекцијата. Меѓутоа се случува некои луѓе да немаат никакви симптоми понекогаш и цела деценија од моментот на зараза. Отечените лимфни жлезди се еден од најраните симптоми на ХИВ, освен оние кои покажуваат акутна инфекција. Најчесто отекуваат жлездите под вилицата и ушите. Ова го отежнува голтањето и може да трае со недели, па и еден месец.
Вагинални габични инфекции
Кога жената е заразена со ХИВ нејзиниот имунитет е ослабен затоа што целата енергија е насочена на борба со вирусот. На тој начин телото станува погодно за сите други инфекции, па и габични заболувања на вагиналниот канал. Еве како да ја препознаете оваа инфекција: печење во вагиналниот канал и надвор од него, болен секс, болно мокрење, густ вагинален секрет. Жените често имаат ваква инфекција и кога не постои друг здравствен пролем, но оние кои се заразени со ХИВ речиси и да не можат да ја излекуваат.
Нагло губење тежина
Ако не се подложат навреме на лечење, можат да се јават мачнина и дијареја, кои резултираат со губење апетит и тежина.
Променливо расположение
Како што напредува болеста може да предизвика различни нервни пореметувања, а најчеста е наглата промена на расположението. Она што уште е присутно се и депресијата и губењето на памтењето.
Промени во менструалниот циклус
Жените заразени со ХИВ можат да забележат промени во циклусот, така што тој станува поблаг или потежок. Доколку личноста нагло губи на тежина може да се случи циклусот и да изостане. Хормоналните промени се главна причина за оваа состојба, а се јавуваат и главоболки, грчеви во стомакот, чувствителни дојки и зголемен замор.
Кога да се појде на лекар?
Препораката е сите на возраст меѓу 13 и 64 години барем еднаш да се тестираат на ХИВ. Жените би требало да се тестираат во бременоста.
Некои жени имаат зголемени ризик од заболување, а тоа се:
- жените кои имаат секс без заштита со личност која не се тестирала на ХИВ;
- жени кои користат дрога и ја менуваат иглата со некого;
- жените кои имаат сифилис;
- жените кои имаат туберкулоза или хепатитис.
Дијагноза
Раната дијагностика е од круцијално значење затоа што тогаш примената терапија го забавува размножувањето на вирусите и се спречуваат други инфекции. Тестирањето на нуклеинските киселини е најдобро, но се разбира крвта мора да се тестира и на антитела.
Терапија
Лековите спречуваат размножување на вирусот и овозможуваат нормално функционирање. Се пијат еден до три лека на ден, се зависи од тоа кога е поставена дијагнозата. Вирусот може да се запре, но и да доведе до неможност за дијагностика. Сепак, се напоменува дека тој останува во телото и треба да се држи под контрола.
