Бројот на заболени од карцином на увото се зголемува во текот на последните години. Болеста може да ги зафати сите три дела од увото, внатрешното, средното и надворешното уво.
Симптомите се разликуваат во зависност од тоа кој дел од увото се развива туморот, но главните симптоми кои се заеднички се болката и губиток на слухот.
Покрај тоа на карцином на увото може да упатува и болка во надворешното уво, главоболка, вртоглавица и зуење во ушите. Во некои случаи може да се појават и отоци на лимфните јазли на вратот.
Појавата на туморот може да се утврди со биопсија, а болеста се лечи со операција, радиотерапија или хемотерапија.
Надворешното уво се состои од видливиот дел на увото, ушната школка и ушниот канал. Туморот може да настане од сите ткива, кожата, поткожното ткиво или рскавицата. Најчесто се предизвикани од влијанијата на надворешната средина, сончевото зрачење, трауми или смрзнатини. Малигниот тумор се јавува поретко, најчесто кај мажите над 60 години.
Главниот малиген тумор на средното уво е планоцелуларниот тумор, кој е компликација на хронично воспаление на увото. Се развива многу долго време, а често се открива во повисок стадиум. Симптомите се карактеристични за отитис, како наглувост и секреција, но има и карактеристични симптоми на карцином како силна болка или парализа на лицето.
Внатрешното уво најчесто го напаѓа акустичниот неуром, тумор што се развива на главниот нерв кој води од внатрешното уво до мозокот и може да предизвика симптоми како губење на слухот и рамнотежата.
