Доколку се чувствувате необично по неколку испиени чаши алкохол, тоа може да значи и нешто друго, освен дека премногу сте испиле. Ако таквите невообичаени симптоми се јавуваат често додека консумирате алкохол, можно е да сте развиле алергиска реакција. Постојат неколку вообичаени симптоми на алергија на алкохол, но сомневањето можете да го испитате со подложување на алерголошко тестирање.
„Алергијата на алкохол може да биде и наследна, па не е на одмет да се распрашате постои ли таква дијагноза во смејството. Некои лица имаат АЛДХ2, генска варијација која значи дека телото не може да го метаболизира алкохолот како што треба“, вели д-р Сониа Батра, наведувајќи ги најчестите симптоми на алергиска реакција на алкохол.
Црвена и жешка кожа
Ако се потите, причина може да биде алкохолот, но ако засилено се црвенеете во лицето, тоа е еден од можните индикатори на алергиска реакција.
„Алкохолот ги шири крвните садови и го забрзува протокот на крв. Затоа е нормално алкохолот малку да не загрее. Откако ќе почнете да пиете, телото алкохолот го метаболизира во ацеталдехид. Кога телото не може да го неутрализира ацеталдехидот доволно брзо, крвните капилари во лицето се шират, што доведува до црвенило поради ослободување на хистамин, а на тоа телото може негативно да реагира, особено ако пиете вино или пиво“, објаснува д-р Батра.
Отоци
Доколку на кожата почнат да се јавуваат отоци, како да ве каснала пчела, телото покажува реакција.
„Можно е да сте чувствителни на состојките во одредени видови на алкохол поради житарките, пченицата или јачменот кои се користат во пивото или конзервансите кои се користат во виното, а кои може да предизвикаат реакција и симптоми слични на астма“, појаснува д-р Батра.
Отежнато дишење
Поради порастот на хистамин, можно е да се почувствува отежнато дишење.
„Интолеранцијата на хистамин може да доведе до воспаление на мекото ткиво на белите дробови и носниот канал кои може да набабрат и да доведат до притисок. Симптомите се чешање на очите, чешање во грлото и кивање“, потенцира д-р Батра.
Пролив и мачнини
Ако ве боли стомакот и чувствувате мачнина додека пиете, немојте веднаш да го обвинувате алкохолот.
„Алкохолот може да ја засили концентрацијата на желудочната киселина и да го надразни дигестивниот тракт“, вели д-р Батра.
