Пилонидална циста (синус) е честа гнојна инфекција, која се појавува на подрачјето околу опашката. Симптоми се болни воспаленија, а се појавува и гноен исцедок. Таа е на длабочина од два сантиметри, а може да се јави во различни форми. Пилонидалната циста може да направи голем проблем ако се појави во голема, гнојна форма и тогаш може да предизвика голема болка и од неа може да тече гној. Почеста е кај мажите, отколку кај жените. Се појавува на возраст од пубертет до 40. година. Најчесто ги погодува лицата кои имаат проблем со тежината, а покрај ова имаат и проблеми со претерана влакнетост.
Лекарите сметаат дека пилонидалната циста е стекната, не е наследна. Нејзиното настанување е поврзано со враснување на влакната во ова подрачје, кое телото ги препознава како страно тело, па организмот создава воспаление. Најчесто се јавува во пубертетот кога во телото се случуваат многу хормонални промени и кога почнува забрзано растење на влакната, а лојните жлезди се зголемуваат.
Првите симптоми на ова воспаление се појавуваат постепено, а прв симптом кој може да се појави е непријатност при седење. Втор симптом е болка, потоа се појавува црвенило околу подрачјето каде што се наоѓа цистата, доаѓа до гноење, па и крварење. Исто така се јавува и непријатен мирис. Пилонидалната циста се отстранува со хируршки зафат.
Ако ги забележите првите симптоми и се сомневате на пилонидална циста, веднаш отидете на лекар. Реагирајте на време и не дозволувајте да се развива. Кај пилонидалната циста е важно да реагирате кога е се уште мала и помалку болна, бидејќи како таа расте, а болката е се поголема. Освен болка, се појавува и гноен исцедок и крв кои може да бидат многу непријатни. При поголема зафатеност од пилонидалната циста, самата операција бара и подолго закрепнување.
