ПРОМЕНИ НА ГРАДИТЕ
Повеќето јазли на градите не значат и рак, но секогаш побаракте лекарска консултација ако ги забележите. Обратете се на лекар и ако воочите и вакви промени:
- Невообичаени “дуппчиња“ (бразди) на кожата или наборање на кожата
- Брадавици кои се свртени кон внатре
- Исцедок од брадавиците
- Црвенило или лупење на брадавиците или кожата на дојката
За да се пронајде причината на симптомот лекарот ќе изврши физички преглед и ќе постави прашања за вашата медицинска историја. Добро е да направите и мамографија или биопсија за да бидете сигурни дека се е во ред. Мамографија се препорачува како метода на рано откривање, а со неа може да се открие рак на дојка и две години пред самиот тумор да стане опиплив. Редовната примена на мамографијата докажано ја намалува смртноста од рак на дојак за 30% меѓу жените на возраст од 50 до 69 години, а според достапните податоци еднаква корисност може да се очекува и кај жените помеѓу 40 и 50 години.
ОТЕКУВАЊЕ
Жените природно задржуваат повеќе вода од мажите. Но, доколку отокот не минува ни по една или две недели, појдете на лекар за да проверите за што станува збор. Ако симптомите не се повлекуваат, а се проследени и со слабеење и крварење задолжително побарајте стручна помош. Постојаната надуеност може да биде знак за рак на јајчници. Направете гинеколошки преглед, како и крвни тестови и ултразвук за да се открие навреме причината за проблемот.
КРВАРЕЊЕ ПОМЕЃУ МЕНСТРУАЛНИ ЦИКЛУСИ
Ако се уште имате редовни менструални циклуси, но малку крварите помежу редовните менструации, посетете го својот гинеколог. Крварењето надвор од циклус не е вообичаено и може да е предизвикано од многу фактори, како хормонален дисбаланс. Проверката кај лекар е задолжителна за да се исклучи можноста за рак на ендометриумот, односно рак на слузницата на матката. Краврењето по менопаузата, никогаш не е нормална појава, и треба веднаш да се направи стручна консултација.
