Повеќето луѓе кои никогаш не пушеле цигари или повремено палеле цигари во помладите години сметаат дека ракот на белите дробови е болест за која не треба да се грижат, но тоа е погрешно, бидејќи стручњаците тврдат дека сите може да бидат на мета. Главно се препоставува дека ракот на бели дробови се јавува кај долгогодишните пушачи кои со денеции не можат да се откажат од оваа лоша навика, но оваа болест се јавува и кај непушачите и тоа многу почесто отколку што се мисли.
Истражувањата велат дека во последните години расте бројот на рак на бели дробови кај жени непушачи од се уште непознати причини. Ракот кај пушачите вообичаено се јавува со задоцнување од 20-30 години, така што е потребно подолго време од почетокот на пушењето па до развојот на болеста. Исто така, ризикот од ран не е на нула дури и ако сте престанале да пушите, но драстично опаѓа. Покрај пушењето, некои од видечките причинители на ова заболување се: радон гас, азбест, па дури и загадувањето на воздухот. Според статистиките, дури 20% од заболените од рак на бели дробови никогаш во животот не запалиле цигара, а 38% од пациентите престанале да пушат пред дури 20 години.
Компјутерската томографија на белите дробови се препорачува на лица на возраст помеѓу 55 и 80 години кои пушат или кои пушеле по една кутија цигари дневно – 30 години, а многу е важно да се детектира болеста пред да се појават првите симптоми, бидејќи тоа обично значи дека ракот напредувал.
Симптомите на рак на белите дробови варираат во зависност од тоа колку болеста напреднала. Некои пациенти може да забележат недостаток на воздух, односно краток здив, кај некои тоа е кашлица, искашлување крв, болка во рамената и во рацете или зголемена телесна температура со воспаление на белите дробови. Без скрининг, кај 7 од 10 лица, болеста често се дијагностицира во доцен стадиум, а во тие ситуации кај лицата освен наведените симптпоми, може да се јави и главоболка, мачнини, фокална вкочанетост, слабост, болка во грбот, болки во коските, замор и намалување на телесната тежина.
Иако ракот на бели дробови многу тешко може да се открие без симптоми, лекарите веруваат дека КТ на градниот кош кај оние кои спаѓаат во ризична група, може да ја детектира болеста во најрана фаза и на тој начин би можело да се спречи нејзино ширење кај еден од пет случаи со вакво заболување.
