Иако ракот на дојка се смета за женска болест само затоа што почесто се јавува кај припадничките на понежниот пол, факт е дека се повеќе мажи заболуваат од оваа болест, а најчест е кај мажите во седмата деценија и со зголемено ниво на естроген.
Постојат симптоми кои ретко се манифестираат кај жените заболени од рак на дојка и карактеристични се баш за машкиот рак на дојка: брадавицата е завртена кон внатре, јазли под пазувите, осип околу брадавиците, константен умор, болка во коските, кратко здив, мачнина, жолта кожа и белки.
Треба да се обрати внимание и на следните симптоми:
Јазол во дојката
Грутката во дојката е речиси секогаш прв знак на оваа болест. Обично се наоѓа зад брадавицата, но може да се јави и во други делови на дојката. Исто така, може да се манифестира како зголемување на лимфните јазли под пазувите или промени на брадавиците. Други симптоми се исцедок од брадавиците кој содржи крв, чир под кожата на дојката, вовлечена брадавица или осип околу брадавицата.
Проверете ја семејната анамнеза
Ако имате женски или машки член роднина кој ја имал оваа болест, тогаш автоматски сте изложени на ризик. До ова доаѓа како резултат на мутацијата на BRCA1 или BRCA2 генот.
Вашата тежина може да биде симптом
Дебелината ве става во ризична грипа да ја добиете оваа болест затоа што клетките на маст ги претвораат андрогените во естроген. Колку е повисоко нивото на естроген, толку се поголеми шансите клетките на дојката да се зголемуваат и множат и да создаваат канцерогени клетки.
Може да биде измешано и со „машки дојки“
Високото ниво на естроген може да доведе до зголемување на масното ткиво во градите на мажот заради што нему му растат гради. Ракот често бива погрешно дијагностициран како ткива на дојка, па е неопходна проверка.
