Дури 40% од лицата со ревматоиден артритис освен болни зглобови имаат и симптоми на други делови од телото како кожата, мускулите, коските, очите и белите дробови. Освен појава на болки и отоци во зглобовите, пациентите со ревматоиден артритис не треба да ги занемарат ниту невообичаените симптоми на други делови од телото.
Проблеми со дишењето
Пациентите со оваа болест имаат поголем ризик за создавање на лузни во белодробното ткиво. Веднаш побарајте лекарска помош ако често кашлате, имате кашлица која не поминува, или немате здив при извршување на секојдневните активности.
Вкочанетост
Отечените зглобови може да пртискаат на нервите па се јавува трнење во различни делови на телото. Обично се случува во лактовите и рачните зглобови. Воспалението на ѕидовите на крвните садови – васкулитис, исто така се јавува кај болните со ревматоиден артритис и предизвикува вкочанетост и трнење.
Проблеми со очите
Воспалението кое доаѓа со оваа болест може да ги оштети очите, особено рожницата и белиот дел од окото. Ако болката во окото и црвеникото се засилуваат треба веднаш да се повика лекарска помош, а особено ако забележите било какви промени на видот кои се случуваат по само неколку денови или седмици.
Губење на слухот
Некои истражувања покажуваат дека оваа болест може да редизвика проблем со слухот. Ваков проблем може да предизвикаат и лековите кои се користат за лекување на равматоидниот артритис.
Сува уста и очи
Некои лица со оваа болест добиваат сјогренов синдром. Тоа е хронична воспалителна болест која се каратеризира со нагласена сувост на очите, устата и други слузници, па лицето може да има проблеми со џвакањето и голтањето, или може да има чудно чувство во очите. Кај жените може да се јави и вагинална сувост и болка за време на сексуалниот однос.
