Вагиналната атрофија е честа болест која предизвикува стеснување на вагиналниот ѕид. Овој проблем може да се јави кај жените на било која возраст, но најчесто е забележан кај жените кои поминуваат или завршиле со фазата на менопауза. Тоа се случува затоа што телото произведува помалку естроген, од вообичаеното, а тоа влијае на вагиналниот ѕид. Естрогенот е одговорен за здебелување на вагиналниот ѕид и предизвикува појава на исцедок кај девојчињата при влезот во фазата на пубертет. Значи, ако кај жената престане да произведува естроген, ѕидовите на вагината може да станат тенки и суви. Вагиналната атрофија може да се појави и кај жени кои боледувале од рак, особено кај оние кои примале хормонална терапија за карцином на дојка.
Вообичаените симптоми вклучуваат исцедок, чувство на пецкање, чешање, потешкотии во извршување на мала нужда и болка за време на сексуалниот однос.
Овие симптоми сами по себе се доволни, жената целосно да се откаже од сексуланите односи, но се покажало дека всушност редовниот оргазам всушност има позитивно влијание во намалување симптомите. Работата е во зголемениот проток на крв во долниот дел на телото поттикнато од оргазмот – влијанието на крвотокот е ист како при интензивно вежбање.
“Губењето на способноста за секс не е само физички проблем, туку може да има и сериозни нуспојави на менталното здравје на луѓето. Кога се намалува способноста и желбата за сексуален однос, тоа е голема промена на иднетитетот“, објаснува терапевтката Луиза Мазанти од Лондон.
СИМПТОМИ НА ВАГИНАЛНА АТРОФИЈА
- Сувост
- Чувство на пецкање, особено за време на извршување на мала нужда
- Исцедок
- Чешање
- Зголемена потреба за извршување нужди
- Инфекции на уринарниот систем
- Инконтиненција
- Лесно крварење по сексуален однос
- Непријатност за време на однос
- Скратување или собирање на вагината
