Воспаление на непцата се појавува по дејството на штетните материи кои продуцираат бактерии. Доколку оралната хигиена не е ефикасна, бактриите се задржуваат на забите и создаваат бела прекривка – дентален плак. Овој тип на воспаление, предизвикан од дентален плак се нарекува гингивитис и тоа е најчеста форма. Гингивитисот е недеструктивна форма на пародонтални болести. Карактерот е реверзибилен, што значи дека оштетувањата појавени на мекото киво околу забот може да се репарираат во целост.
СИМПТОМИ
Пациентот се жали на болни непца околу забите. Покрај тоа се забележува и:
- Црвени и отечени непца
- Непца болни на допир
- Крварење при миење на забите
- Здив во устата
Денталниот плак е биофилм кој се формира на површината на забите. Се создава од бактериите кои се лепат на глеѓта на забите. Доколку не се отстранува редовно, се претвора во забен камен во делот на вратот на забот, во близина на гингивата. Тешко се отстранува со миење на забите. Плакот и каменот ги иритира непцата.
Останати фактори кои доведуваат до појава на гингивитис се:
- Хормонален дисбалан (пубертет, менопауза), гингивата може да стане чувствителна
- Ниско ниво на антиоксиданти во организмот
- Кај некои болести (дијабетес, канцер) често доаѓа до воспаление на непцата
- Одредени лекови (за епилепсија, ангина пекторис), може да доведат до иритација на непцата околу забите
- Тешки пушачи
- Генетика
