Суптилни, но јасни проблеми може да се откријат порано кај луѓето кои се изложени на зголемен ризик од развој на деменција, што може да доведе до рана интервенција, велат експертите од Универзитетот Кембриџ во трудот со наслов: Alzheimer’s & Dementia: The Journal of the Alzheimer’s Association.
“Кога ќе ја погледнеме историјата на пациентот, станува јасно дека се јавувале знаци на когнитивни проблеми неколку години пред симптомите да станат очигледни и да бараат лекарска дијагноза“, вели авторот на студијата, д-р Нол Свадивудипонг. “Проблемите се суптилни, но тоа е чекор што може да доведе до ран преглед на луѓето кои се изложени на зголемен ризик, на пример, луѓето над 50 години или оние кои имаат висок крвен притисок или се неактивни – за да можеме да го намалиме ризикот во раните фази. на болеста“, додава тој.
Доколку и самите сте загрижени за можниот почеток на деменција, еве кои симптоми не смеете да ги занемарувате.
РАНИ СИМПТОМИ НА ДЕМЕНЦИЈА
Научниците идентификувале промени години пред лекарот да постави дијагноза, а тие вклучуваат потешкотии при решавање проблеми и запомнување на листи со броеви. Лицата кај кои се развила Алцхајмерова болест, исто така, имале полоши резултати во споредба со здравите луѓе кога станува збор за брзината на реакцијата и меморијата. Тие, исто така, имаат поголема веројатност да паднат во изминатите 12 месеци, вели студијата, заедно со врската помеѓу деменцијата и резултатите од тестовите земени девет години пред дијагнозата.
ДОБРА ВЕСТ ЗА ПОВОЗРАСНИТЕ ЛИЦА
Овие резултати може да бидат добра вест за луѓето кои мислат дека доживуваат симптоми на деменција. “Дури и некои здрави луѓе можат да постигнат добри или слаби резултати на тестовите, не треба сите да бидат загрижени ако не можат добро да ги запомнат бројките. Но, ги охрабруваме сите што имаат какви било прашања или грижи да разговараат со својот лекар“; – наведуваат лекарите.
За жал, има малку начини за лекување на деменцијата, особено што таа се дијагностицира доцна, а експерите наведуваат и дека проблемот со клиничките студии е што ги собираат пациентите со дијагнозата, но тогаш развојот на болеста често не може да се забави. „Апсолутно е јасно дека најдобриот начин да се забави текот на болеста е раната интервенција“, потенцира д-р Дејвид Томас, раководител на Англиското истражување за Алцхајмерова болест.
ШТО МОЖЕТЕ ДА НАПРАВИТЕ ЗА ДА ПРЕВЕНИРАТЕ ДЕМЕНЦИЈА
Сите експерти се согласуваат дека не постои начин да се превенираат болести како Алцхајмерова болест и други видови на деменција, но постојат начини да се намали ризикот. Секако, примарно е да се води здрав живот, што значи контрола на крвниот притисок, шеќерот во крвта, одржување здрава телесна тежина, ментална активност, лекување на проблеми со слухот, добар сон, помалку алкохол и цигари, а помалку важно не е да се остане поврзани со пријателите и семејството. Досега сите научивме дека клетките во мозокот ќе ја изгубат својата функција ако не ги користиме.
