Денес, симптомите на КОВИД се чини дека се повеќе слични на обичната настинка, а извештајот за симптомите доаѓа од здравствената апликација Zoe, која е проект на научници од Школата за јавно здравје Харвард, универзитетите во Лондон и Универзитетот Стенфорд. Тие објавија листа на симптоми кои пациентите ќе ги искусат први, а некои од нив се изненадувачки.
КОИ СЕ МОМЕНТАЛНИТЕ СИМПТОМИ НА КОВИД?
Во извештајот на апликацијата ЗОЕ, за која се собирале податоци 30 дена, се наоѓаат симптоми за кои научниците заклучиле дека се најчести, а според тоа и кои први ќе се појават.
- Болно грло
- Течење на носот
- Затнат нос
- Кивање
- Сува кашлица
- Главоболка
- Продуктивна кашлица
- Засипнатост
- Болка во мускулите
- Промени во вкусот и мирисот
Како изгледа списокот на симптоми на Центрот за контрола и превенција на болести? Според нив, а и листата која последен пат беше објавена во октомври минатата година, ова се симптомите кои се јавуваат:
- Температура и треска
- Отежнато дишење и потешкотии со дишењето
- Болка во мускулите
- Главоболка
- Губење на мирис и вкус
- Течење на носот
- Мачнини и повраќање
- Дијареа
ШТО ВЕЛАТ ЛЕКАРИТЕ?
Д-р Томас Русо, професор за аразни болести на Универзитетот Бафало, вели дека е малку изненаден од новите симптоми пријавени во извештајот. “Заморот не е ниту меѓу првите 10, а секој што имал КОВИД го споменува и тој симптом“, истакнува тој.
Но, експертите велат дека останатите симптоми се слични на оние забележани кај пациентите. Губењето на мирисот и вкусот ретко се јавува кај омикрон, а почесто кај варијантите алфа и делта, наведува Русо.
Д-р Амеша А. Асаља, инфектолог, вели дека и тој ги забележува истите симптоми кај пациентите.
“Се чини дека денес почесто луѓето ќе пријават болно грло и респираторни симптоми“, вели тој. Тој смета дека тоа може да се должи на фактот што варијантата омикрон ги “напаѓа“ горните дишни патишта.
ШТО ДА НАПРАВИТЕ АКО КАЈ ВАС СЕ ПОЈАВАТ СИМПТОМИ?
Д-р Вилијам Шафнер, специјалист за заразни болести, смета дека денес е тешко да се разликуваат симптомите на КОВИД од грип или настинка и додава дека навистина е тешко да се разликуваат.
Доколку дојде до развој на симптоми, тој советува да направите домашен тест, па иако болно грло и течење на носот се симптоми на различни состојби, сепак треба прво да направите тест за КОВИД, а потоа да одите на лекар. Ако тестот е негативен, а вие лошо се чувствувате, обратете се кај вашиот лекар за да провери дали се работи за грип. Д-р. Шафнер заклучува дека новите симптоми на КОВИД се одраз на варијантата омикрон, која обично предизвикува поблаги инфекции.
