Одредени симптоми на тешки болести се игнорираат се додека не е предоцна за лекување. Многумина едноставно не се грижат за опасностите од рак се додека не ја слушнат страшната дијагноза. Сите сме чуле за почестите видови на рак, како што се рак на мозок, бели дробови, дојка, но постојат и значително поретки како што е и ракот на бубрези. Овој вид е тешко да се препознае во раните фази затоа што практично и нема некои значителни симптоми кои би ја алармирале болната личност.
Во подоцнежните фази ракот на бубрези може да го следат следниве симптоми:
- Крв во урината;
- Постојана болка во колковите и грбот;
- Губење на апетитот;
- Губење килограми;
- Тежок замор;
- Ненадејни промени на температурата на телото.
Главна причина за ракот се генетските мутации на клеточно ниво, а можат да бидат наследни или предизвикани од надворешни фактори, како што се разно-разните канцерогени материи, посебно тука станува збор за разните елементи од димот од цигарите. Пушењето вклучително дури и индиректно, го зголемува ризикот од рак на бубрезите затоа што тие ја филтрираат крвта која е често заситена со штетни материи кои во организмот влегле низ белите дробови.
Постарите луѓе, но и дебелите, заболените од хипертензија, лимфом или луѓето зависни од таблети против болка спаѓаат во групата со зголемен ризик од рак на бубрезите.
Освен јасните симптоми на болеста, постојат и скриени кои често сме склони да ги игнорираме:
- Зголемен дијастолен притисок;
- Анемија;
- Болки од левата или десната страна на абдоменот;
- Отечени зглобови;
- Кај мажите може да станува збор и за потечени вени околу десниот тестис.
Што се однесува до ширењето на ракот на останатите органи, на тоа може да укажува и отежнатото дишење, чувството на болка во коските и искашлувањето крв. Овие видови рак тешко се дијагностицираат најмногу и заради положбата на бубрезите. Но важно е да се каже дека лекувањето е возможно. Обично вклучува хируршко отстранување на ткивото и понатамошна терапија. Степенот на преживување од оваа болест е релативно висок, дури и кај постарите пациенти.
