Доколку често искусувате болки во стомакот, нередовно одите во тоалет, а сепак испитувањата покажуваат дека немате никаков проблем, тогаш најверојатно страдате од синдром на иритабилно (раздразнето) дебело црево.
Овој синдром е гастроентеролошки проблем кој, за среќа, не причинува трајно оштетување, но изискува преземање на определени мерки за да не се влоши.
Се изразува во „недоразбирање“ и лошата комуникација помеѓу мозокот и стомакот, односно, иако физички нема видливи знаци на промени во здравјето всушност сигналите што мозокот ги испраќа до стомакот се погрешно протолкувани и погрешно прикажани.
Обично од синдром на иритабилно црево позасеганти се помлади лица на возраст до 35 години, претежно жени, како и оние кои имаат слични случаи во семејството, поверојатно е да бидат изложени на ризик од оваа состојба. Општо земено, сепак, болеста е строго индивидуална и го засегнува и протекува различно кај секое лице.
Причини и симптоми
Причините за синдром на иритабилно дебело црево може да се различни – од семејна анамнеза до лош режим на исхрана, стрес или друг проблем со нервниот систем.
Симптомите најчесто вклучуваат абдоминална болка слична на оние за време на менструален циклус, подуеност, гасови, дијареа или запек. Болката се јавува само во текот на денот, обично по оброк и не е концентрирана на едно место, туку во целата абдоминалната област.
Лекување
Синдром на иритабилно дебело црево се лекува sо диети и медикаменти, можно е препишување на терапија доколку состојбата е предизвикана од проблеми со нервите. Се избегнува храна како што се чоколадо, млеко, пченка, цитрусни плодови, кафе, производи што содржат шеќер или глутен.
За почеток, лекарите работат тестови за да ги елиминираат другите можни опции за болести со слични симптоми. Откако ќе се потврди дијагнозата се препишува контролnа диета и пробиотик за нормализирање на цревната флора.
