Синдромот на токсичен шок е изненадно потенцијално смртоносно заболување предизвикано од отпуштање на отрови поради прекумерен раст на бактеријата Staphylococcus aureus раширена кај голем број на жени. Познато е дека ги погодува жените за време на месечното менструално крварење, особено оние кои користат тампони со голема моќ на впивање.
Тогаш телото одговара со класични симптоми на шок: нагло паѓање на крвниот притисок, недоволно обезбедување на виталните органи со кислород и можна смрт.
Синдромот на токсичен шок се уште е заболување што го добиваат жените кои за време на месечниот циклус користат тампони. Меѓутоа, тоа се поврзува и со користењето на менструални сунѓерчиња, дијафрагми и цервикални капчиња.
Поголема опасност од развој на токсичен шок е присутна и кај жени кои штотуку родиле. Оваа болест не е ограничена само на овие фактори, туку се жртви и мажите и жените кои биле изложени на оваа бактерија за време на опоравувањето од оперативен зафат, изгореници или отворени рани.
Повеќе од една третина од сите заболени од токсичен шок се жени помлади од 19 години и кај 30 проценти од жените заболувањето ќе се повтори.
Причината за тоа е нејасна. Но, лекарите нагласуваат дека ако сте преброделе токсичен шок мора да бидете особено внимателни и штом се појават симптомите на оваа состојба треба веднаш да се побара лекарска помош.
Лицата кои умираат поради токсичен шок сттрадаат поради акутен одговор на организмот на отровите ослободени од бактеријата staphylococcus aureus жртвите патат од хипотензивен шок при кои срцето и белите дробови се толку преоптоварени да престануваат да работат. Доколку имате месечен циклус и висока температура проследена со повраќање а сте користеле тампони, мора веднаш да побарате лекарска помош.
СИМПТОМИ
Кај жените кои имаат месечен циклус или чие месечно крварење штотуку завршило; или кај жени родилки, или по неодамна направен оперативен зафат:
- Зголемена температура над 39 степени
- Повраќање и/или пролив
- Осип кој наликува на сончева изгореница со лупење на кожата, особено на прстите на рацете и на нозете
- Вртоглавица
- Бледа и влажна кожа што укажува на брз пад на крвниот притисок
Доколку токсичниот шок не се лекува во оваа фаза брзо ќе доведе до губење на свеста, затајување на срцето и белите дробови и смрт.
Во случаеви на синдром на токсичен шок поврзан со користење на тампони, дијафрагми или други средства, тие биле во матката многу долго, над 30 часа.
