Синдромот на хроничен замор претставува повеќемесечна состојба на замор кој не се намалува ни после одмор и за кој не може да утврди причината. Најчесто ги погодува луѓето во четириесеттите и педесеттите години, но може да се јави дури и кај помладите, односно оние кои се во периодот на адолесценција.
Се проценува дека овој синдром во период од 6 месеци погодува 2 отсто од адолесцентите на возраст од 13 до 16 години, како и дека двојно почесто ги погодува девојките. Освен изразениот замор, симптомите кои ја следат оваа состојба се и потешкотии во памтењето и концентрацијата, главоболка и болки во мускулите.
