Најновото научно истражување покажало дека јадење по 20 часот не влијае на таложење вишок килограми. Истражувачи од Кралскиот колеџ во Лондон не пронашле никаква значајна поврзаност меѓу доцните оброци и вишокот килограми кај децата, покажало ново истражување.
Резултати од претходните истражувања укажувале на тоа дека темпираните оброци може да имаат големо влијание на биолошкиот ритам.
Тоа значи дека може да имаат големо влијание на метаболичките процеси во организмот, што за последица би можело да има зголемен ризик од гојазност.
Сепак, овие истражувања се многу ограничени. Резултатите од новите студии, во кои учествувале 1.620 деца во периодот меѓу 2008 и 2012 година, покажале дека кај децата кои вечерата ја консумирале меѓу 20 и 22 часот, не е забележан зголемен ризик од гојазност во однос на децата кои последните оброци ги јаделе меѓу 14 и 20 часот.
„Резултатите од овие студии се прилично изненадувачки. Мислевме дека ќе најдеме поврзаност меѓу доцното јадење и зголемениот ризик од гојазност, но тоа не беше случај. На овие резултати можеби допринеле малиот број на деца од групата кои јаделе по 20 часот„, заклучила доктор Герда Пот, професор на Универзитетот Врије во Амстердам.
